Umwongereza Phil Foden yatowe nk’umukinnyi mwiza kurusha abandi muri Premier League uyu mwaka.

Sponsored Ad

Foden yatsinze ibitego 17 atanga imipira 8 yavuyemo ibitego muri shampiyona mbere yo gukina umukino wa nyuma na West Ham.

Cole Palmer wa Chelsea we yabaye umukinnyi mwiza wa Premier League 2023/24 ukiri muto.

Muri iki gihembo, yatsinze abarimo mugenzi we muri City,Erling Haaland, abakinnyi babiri ba Arsenal, Martin Odegaard na Declan Rice, na Cole Palmer wa Chelsea.

Abandi bari bahatanye barimo Ollie Watkins wa Aston Villa, Virgil van Dijk wa Liverpool na Alexander Isak wa Newcastle.

Foden yaherukaga gutorerwa kandi kuba umukinnyi w’umwaka n’abanditsi bandika k’ umupira w’amaguru mu ntangiriro z’uku kwezi.

Nyuma yo gutsinda, Foden yagize ati: "Gutwara iki gihembo ni ikintu nishimiye cyane.

Premier League izwi nka Shampiyona ikomeye kurusha izindi ku isi, kandi biranshimishije kuba naratoranyijwe hamwe n’abandi bakinnyi benshi bakomeye bose bagize ibihe bidasanzwe mu makipe yabo.

Muri rusange, nishimiye cyane uburyo nakinnye muri iyi shampiyona kandi nishimiye rwose ko nashoboye gutanga umusanzu mu bitego no gutanga imipira yavuyemo ibitego muri shampiyona."

Amatora yakozwe binyuze mu majwi y’abafana ku rubuga rwa Premier League n’itsinda ry’inzobere mu mupira w’amaguru .

Ku myaka 23,Phil Foden agiye gutwara Premier League ya Gatandatu.