Idubu rifite ibara ry’umuhondo ryinjiye mu nzu y’umugabo witwa Sergey Fadeyev w’imyaka 66 wo mu Burusiya riramurya wese risiga ukuboko kumwe n’ukuguru.

Sponsored Ad

Abatuye mu karere ka Mamsk-Chuysky mu Burusiya bavuze ko iri dubu ryabanje kwica imbwa y’uyu mugabo rirangije ryinjira mu nzu ye dore ko I Burayi hari ubukonje riramwica riramurya kugeza ubwo ryasigaje ukuguru n’ukuboko gusa.

Fadeyev wishwe n’iri dubu,yari asanzwe ari umushoferi w’imodoka ishinzwe kuzimya umuriro muri iki cyaro cya Vitimsky yabaga mu nzu ye y’imbaho wenyine.Amajanja y’iri dubu yagaragaye ku bikuta by’iyi nzu.

Iyi dubu yinjiye mu nzu y’uyu mugabo,yabanje kwangiza idirisha irangije irinjira cyane ko muri aka gace ubukonje buri kuri 45C mu nsi ya zero.

Umuturanyi wa Fadeyev witwa Alexandra Sannikova yagize ati “Idubu yinjiye ari nijoro.Yamenye idirisha,irangije umurya ukuboko n’ibice byo mu nda.Yagerageje guhamagara ubufasha ariko abantu bose babujijwe kujya hanze.”

Iyi nyamaswa yahise ihigwa n’abahigi bayitega inyama,ije kuzirya iraraswa nkuko byatangajwe na meya Alexander Tyurin.

Iyi dubu ikimara kwica uyu mugabo,yahise igenda barayishaka barayibura,bituma abantu bamara iminsi 2 bafite ubwoba bwinshi.