Mu Rwanda hahozeho ubuvuzi gakondo n’ubwo bwagiye bukendera mu gihe cy’ubukoroni na nyuma yaho. Gusa ibi ntibibujije ko hari abakibukoresha mu kwivura indwara zizwi cyane nk’inzoka, inkorora, rubagimpande...

Sponsored Ad

Ikiziranyenzi ni icyatsi kimenyerewe cyane mu Rwanda. Benshi bakaba bakizi nk’icyavagamo imiheha yo kunywesha inzoga, ikigage, umugobe n’ibindi. Iki kandi cyanakoreshwaga mu kubaza imiheha y’inkono zo kunywesha itabi.

Nyamara ariko mu buvuzi gakondo iki cyatsi cyakoreshwaga mu buvuzi ndetse n’ubu gishobora gukoreshwa.
Ni icyatsi gikunze kuba ahantu hatari urumuri rwinshi nko mu rutoki. Kigira hagati ya metero 1 - 2 z’uburebure. Kigira amababi afite ushusho yiburungushuye nk’igi kandi ku giti agenda asa n’asimburana ku mpande ziteganye z’igiti.

Indwara zivurwa n’ikiziranyenzi

• Inkorora
• Inzoka zo mu nda
• Ikiziranyenzi

Uko umuti utegurwa

Ufata amababi cyangwa imizi ukabishyira mu mazi ugacanira byamara kubira ukabireka bigahora ubundi ukanjya unywa ibiyiko 2 mu gitondo na nimugoroba.