Chelsea yakoze urutonde rw’abatoza batatu ishobora gukuramo umwe usimbura Pochettino
Yanditswe: Friday 26, Apr 2024
![featured-image](http://umuryango.rw/local/cache-vignettes/L800xH451/arton78278-ee68b.jpg?1714124131)
Amakuru aravuga ko Chelsea ifite urutonde rw’abatoza batatu itekereza gusimbuza Mauricio Pochettino aramutse yirukanwe.
Uyu wahoze ari umutoza wa Tottenham,ntiyahiriwe kuri Stamford Bridge ndetse ibintu byarushijeho kuzamba nyuma yo gutsindwa ibitego 5-0 na Arsenal.
Iyi kipe iri ku mwanya wa cyenda muri shampiyona kandi ishobora kubura itike yo gukina amarushwanwa y’iburayi mu mwaka w’imikino utaha, biri mu bishobora kwirukanisha umutoza Pochettino.
Nk’uko ikinyamakuru The Times kibitangaza, ngo abayobozi ba Chelsea bazasuzuma ahazaza ha Pochettino mu mpeshyi.
Kugeza ubu akazi k’uyu mutoza karatekanye ariko ngo abasimbura be bamaze gutekerezwaho.
Kuri uru rutonde ngo harimo Ruben Amorim wa Sporting Lisbon, umutoza wa Brighton, Roberto De Zerbi na Hansi Flick wegukanye igikombe cya Champions League muri Bayern Munichen.
Ufite amahirwe menshi ni Amorim uri hafi kongera gutwara igikombe cya shampiyona muri Sporting CP.
Leave a Reply
Your email address will not be published. Required fields are marked *