Umutwe wa M23 wahaye urw’amenyo Leta ya Repubulika Iharanira Demokarasi ya Congo, nyuma yo gutangaza ko ingabo zayo zawirukanye mu duce twa Vitshumbi na Kibirizi.

Sponsored Ad

Ku wa Kane tariki ya 16 Gicurasi ni bwo Minisitiri w’Ingabo za RDC, Jean Pierre Bemba, yatangaje ko FARDC n’abo bafatanya bigaruriye turiya duce two muri Teritwari ya Rutshuru, ndetse ko hanamaze gufatwa ingamba zo kwirukana M23 mu tundi duce igenzura.

M23 biciye muri Lt Col Willy Ngoma uvugira igisirikare cyayo, yavuze ko ibyavuzwe na Bemba ari ibinyoma ubutegetsi bw’i Kinshasa bumaze igihe bwarashyize imbere.

Ati: "Nyuma yo guhurira n’ibibazo ku mirongo yose y’urugamba, guverinoma ya Tshisekedi yahisemo ingamba z’akaduruvayo yica abaturage bayo (nk’ibyabereye i Mugunga), ndetse n’ingamba zo kubeshya; nk’ibya kibirizi na vitshumbi".

Willy Ngoma yashimangiye ko intambara 10p0 zose M23 irwana izibonamo intsinzi nka zo.