Kigali

Bemba wahanganye cyane na Kabila yagarutse muri RDC yakirwa na Fayulu [AMAFOTO]

Amakuru   Yanditswe na: Dusingizimana Remy 23 June 2019 Yasuwe: 3429

Umunyapolitiki uzwi cyane muri RDC,Jean Pierre Bemba,yagarutse mu gihugu cye kuri iki cyumweru atwawe n’indege yihariye yamuvanye mu mujyi wa Bruxelles mu Bubiligi yari atuyemo nyuma yo kwangirwa kwiyamamariza kuyobora RDC mu mwaka ushize.



Mu gihe kitageze ku mwaka avuye muri RDC gushaka kwiyamamaza,Jean Pierre Bemba yongeye kugaruka muri iki gihugu cye cy’Amavuko kuhakomereza politiki.
Nkuko Jean Pierre Bemba yabitangaje,yavuze ko agarutse muri RDC gufatanya na bagenzi be kubaka igihugu.

Yagize ati “Ndashaka guhura namwe kugira ngo dufatanye kubaka ubumwe,icyerekezo n’iterambere rya Kongo.”

Bemba wamaze imyaka 10 afunzwe n’Urukiko Mpanabyaha Mpuzamahanga (ICC),yaje muri kongo n’indege yihariye,yakirwa na Martin Fayulu uherutse gutsindwa amatora ya perezida Tshisekedi akavuga ko yibwe amajwi.Bemba yari inyuma ya Fayulu n’ishyaka Lamuka muri aya matora yabaye kuwa 30 Ukuboza 2018.

Bemba w’imyaka 56 ntiyakiriwe n’abantu benshi ugereranyije n’abagiye kumutega ku wa 1 Kanama 2018 ubwo yagarukaga muri RDC nyuma y’imyaka 11 atahagera.
Bemba yafunzwe na ICC kubera ubwicanyi bwakozwe n’umutwe we mu gihugu cya Central African Republic.

Nyuma y’aho Bemba atsinzwe mu matora yo muri 2006 na Joseph Kabila,abakongomani benshi baguye mu mvururu z’abarwanashyaka be batishimiye ibyavuye mu matora.

Bemba na Katumbi bari bashyigikiye ihuriro rya Lamuka rya Fayulu, biyemeje kuyoboka perezida Tshisekedi ndetse aba bombi ntibigeze batangaza ko bashaka kumurwanya ahubwo ngo barifuza kuzuzanya nawe kugira ngo bateze imbere RDC.



Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble hitimana

    Politike ni mbi.Ndi BEMBA sinayisubiramo.Reba iyi myaka amaze afunzwe,none agarutse "kuyijandikamo".Nubwo Politike ikiza abantu,haberamo ibintu byinshi bibi Imana itubuza:Kwicana,amanyanga,Kwangana,Gutonesha,Kwikubira,etc...Niyo mpamvu muli Yohana 17:16,Yesu yasabye abakristu nyakuri kutivanga mu byisi.Ahubwo abasaba kujya mu nzira bakabwiriza ubwami bw’imana kugeza igihe azagarukira nkuko Matayo 24:14 havuga.Ubwami bw’Imana nibuza,buzabanza bukureho ubutegetsi bw’abantu nkuko Daniel 2:44 havuga.Noneho isi yose itegekwe na Yesu nkuko Ibyahishuwe 11:15 havuga.Yesu azakura mu isi abantu bose bakora ibyo Imana itubuza.Azakuraho ibibazo byose byo mu isi,harimo indwara n’urupfu nkuko Ibyahishuwe 21:4 havuga.

    June 2019

Inzindi nkuru

Umugabo wa Senateri Mureshyankwano ari mu baguye mu mpanuka yabereye...

Umugabo wa Senateri Mureshyankwano Marie Rose witwa Ngendahayo Edouard ari...
13 February 2020 Yasuwe: 13367 2

Dushobora no gukora n’inama igihumbi ikibazo kidakemuka –Amb. Nduhungirehe ku...

Umunyamabanga wa Leta y’u Rwanda muri Minisiteri y’ububanyi n’amahanga, Amb....
3 February 2020 Yasuwe: 3487 2

Dore ibihugu 10 bifite umwihariko mu kwizihiza ivuka rya Yezu/Yesu

Ku itariki25 Ukuboza buri mwaka, ibihugu byinshi ku isi dutuye byizihiza...
25 December 2019 Yasuwe: 7226 1

Koreya ya Ruguru yagerageje ikindi gisasu cya kirimbuzi mu rwego rwo...

Ikinyamakuru cya Leta ya Koreya ya ruguru cyatangaje ko iki gihugu...
14 December 2019 Yasuwe: 4982 2

Iburengerazuba: Ngororero yabonye amanota 10% mu gihe Rubavu yabaye iya...

Umuvunyi Mukuru, Anastase Murekezi yashimye Akarere ka Rubavu kubera...
2 December 2019 Yasuwe: 3172 1

Umujyi wa Kigali wiyemeje kutazongera kwimura abantu kubera ko batuye mu...

Ubuyobozi bw’Umujyi wa Kigali bwemeje ko nta muturage uzongera kwimurwa aho...
26 November 2019 Yasuwe: 10618 1