skol
Kigali
startimes

Kompanyi ya Boeing yateye benshi umujinya kubera indishyi yatangaje ko izaha abaguye mu mpanuka z’indege yakoze

Amakuru   Yanditswe na: Dusingizimana Remy 4 July 2019 Yasuwe: 3015

Kompanyi ikora indege ya Boeing yatangaje ko yemeye gutanga miliyoni ijana z’amadorari ya Amerika ku miryango yabuze abayo mu mpanuka z’indege zayo 737 Max muri Indonesia na Ethiopia mu gihe hari imiryango yaregeraga arenga miliyoni 200 z’amadolari.


Boeing yavuze ko ubu bwishyu buzagenda butangwa mu gihe cy’imyaka myinshi, butandukanye n’ikirego cyatanzwe kubera izi mpanuka, zombi zahitanye abantu 346.

Itangazo rya Boeing ryo kuwa gatatu taliki ya 03 Nyakanga 2019, rivuga ko ayoa mafaranga "azafasha uburezi, ingorane n’ibikenerwa mu buzima ku miryango yagizweho ingaruka, ibikorwa rusange n’iterambere rya rubanda yagizweho ingaruka.

Impanuka ya Ethiopian Airways yabaye muri Werurwe uyu mwaka yari iya kabiri ya Boeing 737 Max mu mezi atanu,nyuma y’indi ndege nk’iyi ya Lion Air muri Indonesia yakoze impanuka mu Ukwakira 2018.

Abahanga mu iperereza ku mpanuka z’indege basanze izi mpanuka zaratewe n’ikibazo cya tekiniki muri izi ndege. Ubwoko bwa 737 Max bwahise buhagarikwa kongera kuguruka kw’isi kugeza ubu.

Boeing ivuga ko izakorana na za leta z’ibihugu n’imiryango itegamiye kuri leta mu gukemura ibyo bibazo. Kandi ko amafaranga y’ibanze azatangwa mu gihe cy’imyaka myinshi.

Dennis Muilenburg umuyobozi mukuru wa Boeing avuga ko bababajwe cyane n’ibyabaye muri izi mpanuka kandi bazakomeza kwifatanya n’imiryango yabuze ababo.

Yagize ati: "Twizeye ko iyi nkunga yacu izashobora kuborohereza".

Nomi Husain umunyamategeko wo muri Leta ya Texas uhagarariye imwe mu miryango yaburiye abayo mu mpanuka yo muri Ethiopia yanenze ibyo Boeing yakoze.

Yavuze ko "inyishyu batanze itanegereye na gato impozamarira ku miryango yasigaye ugereranyi n’abo babuze".

Bwana Husain afite imanza zirindwi z’imiryango yabuze ababo, imwe muri yo irasaba impozamarira zigera kuri miliyoni $276. Avuga kandi ko hari imanza zigera kuri 50 zimaze gushingwa n’indi miryango.

Abantu bakomoka mu bihugu 35 baguye mu mpanuka ya Ethiopian Airways, muri bo harimo umunyarwanda umwe, Jackson Musoni.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble mazina

    Ibi byerekana ko ubwenge bwa muntu butareshya n’ubw’Imana yacu yitwa Yehova.Niyo yaremye ibintu byose kandi nta nenge n’imwe bigira.Urugero,mu kirere haba billions and billions z’inyenyeri kuva kera cyane.Zose zigira speed ibarirwa muli za millions ku isaha.Nyamara nta nimwe yari yagongana n’indi.
    Byerekana ko tugomba kumvira no gukunda UMUREMYI wacu.Urugero,atubuza kwibera mu byisi gusa,ahubwo tukabifatanya no gushaka Imana niba dushaka ko izaduha ubuzima bw’iteka no kuzazuka ku munsi w’imperuka.Ntabwo ari ukubeshya.It is a matter of time.Impamvu Imana itinda kuzana Imperuka,nuko ishaka ko abantu bose bihana ikazabaha ubuzima bw’iteka muli paradizo.Soma 2 Petero 3:9.

    July 2019

Inzindi nkuru

Ruhango: Abagizi ba nabi batemye imyaka y’uwarokotse Jenoside indi...

Mu ijoro ryo kuri uyu wa 06 rishyira uwa 07 Mata 2020, mu Mudugudu wa...
7 April 2020 Yasuwe: 9148 6

Niringiyimana wakoze umuhanda wa 7Km yakorewe urugomo na bamwe mu baturanyi...

Umunyarwanda witwa Niringiyimana Emmanuel wo mu murenge wa Murambi mu...
20 March 2020 Yasuwe: 13044 4

Video: Umunyamakuru Angeli Mutabaruka wa TV1 avuga ko ubuzima bwe buri mu...

Nyuma y’aho hari abibasiye Angeli Mutabaruka, umunyamakuru wa TV1 kur rubuga...
9 March 2020 Yasuwe: 40424 8

Uganda yashyize mu kato abanyamahanga bane bari bayinjiyemo ibakekaho...

Abanyamahanga bane bari binjiye muri Uganda bahawe akato mu bitaro bya...
2 March 2020 Yasuwe: 5106 0

#Umwiherero 2020: Nubwo Uganda idusaba gufungura imipaka niyo...

Perezida Kagame yavuze ko ikibazo cy’u Rwanda na Uganda cyakomejwe na Uganda...
16 February 2020 Yasuwe: 6613 1

Umugabo wa Senateri Mureshyankwano ari mu baguye mu mpanuka yabereye...

Umugabo wa Senateri Mureshyankwano Marie Rose witwa Ngendahayo Edouard ari...
13 February 2020 Yasuwe: 19482 4