Kigali

Nyarugenge: Meya yagiye kwirebera agatsiko kiswe “Abanyabutare” kamaze kubaka izina mu rugomo

Amakuru   Yanditswe na: Dusingizimana Remy 2 November 2019 Yasuwe: 6725

Umuyobozi w’akarere ka Nyarugenge madamu Kayisime Nzaramba yafashe umwanzuro wo gusura abaturage batuye mu midugudu ya Akirwanda na Muganza mu kagari ka Kigali, Umurenge wa Kigali bamaze iminsi bataka ko bakorerwa urugomo n’agatsiko k’abantu biyise ‘Abanya-Butare’ntibabone ubutabera.



Aba baturage baherutse kwereka Radio na TV1 ibikomere batewe n’urugomo bakorewe n’aba bagizi ba nabi bise “Abanyabutare” ariko ntibabiryozwe.

Ubuyobozi bw’akarere ka Nyarugenge bwasuye uyu murenge kuwa 31 Ukwakira 2019 kugira ngo bumenye iby’aka gatsiko ariko ngo bunahumurize abaturage.

Aba baturage bavuze kandi ko hari bamwe bacuruza inzoga zikorwa mu buryo butemewe bigatuma bamwe mu bazinywa bagira ibikorwa by’urugomo barimo n’aba biyise Abanyabutare.

Umuyobozi w’ Akarere amaze kumenya neza iby’uru rugomo, yijeje ubufatanye mu gucyemura icyo kibazo ndetse abasaba gutangira amakuru ku gihe.

Meya Kayisime yasabye abaturage “ Kwirinda gushyira ibintu muri rusange bahuza uwakoze icyaha n’aho aturuka.” Kuko ngo iki kibazo cyo muri aka gace gishingiye ahanini ku biyobyabwenge biharangwa ariko ngo bikaba bigiye guhagurukirwa.

Uyu muyobozi yavuze ko bagiye kwigisha aba baturage ko bose bangana kuba hari abakora ibyaha badakwiriye kwitiranwa n’aho bakomoka kandi ngo ntibikwiriye no kwitirirwa umudugudu. Gusa nawe ashimangira ko ibyo byose bishingiye ku biyobyabwenge biharangwa kandi ngo byahagurukiwe.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umujyi wa Kigali wiyemeje kutazongera kwimura abantu kubera ko batuye mu...

Ubuyobozi bw’Umujyi wa Kigali bwemeje ko nta muturage uzongera kwimurwa aho...
26 November 2019 Yasuwe: 6579 0

RIB yafatiye mu mukwabu ibicuruzwa bitemewe bifite agaciro ka miliyoni...

Urwego rw’igihugu rw’ubugenzacyaha, RIB,ruravuga ko Ibicuruzwa bitemewe...
11 November 2019 Yasuwe: 3435 0

Polisi y’igihugu igiye gutangira gufatira ibihano abantu bayihamagara...

Polisi y’u Rwanda yashyizeho imirongo itishyurwa yo gufasha Abanyarwanda...
11 November 2019 Yasuwe: 3245 0

Burundi: Abantu 80 barimo Abanyarwanda 10 bafatiwe mu mukwabu wakozwe na...

Abantu 80 barimo Abanyarwanda 10 batuye muri Komini Rugombo iherereye mu...
6 November 2019 Yasuwe: 5705 0

Umubyeyi wa Cristiano Ronaldo yashinje ubujura abatanga ibihembo...

Nyina wa Cristiano Ronaldo witwa Dolores Aveiro yabwiye abanyamakuru kuwa...
3 November 2019 Yasuwe: 2658 0

Nyarugenge: Meya yagiye kwirebera agatsiko kiswe “Abanyabutare” kamaze kubaka...

Umuyobozi w’akarere ka Nyarugenge madamu Kayisime Nzaramba yafashe umwanzuro...
2 November 2019 Yasuwe: 6725 0