Kigali
startimes

Perezida Kagame yashimangiye ko hakenewe ubufatanye hagati ya Leta n’abaturage mu guharanira iterambere

Amakuru   Yanditswe na: Dusingizimana Remy 3 July 2019 Yasuwe: 716

Nyakubahwa perezida wa Repubulika yavuze ko hakenewe ubufatanye hagati ya leta n’abaturage kugira ngo imibereho myiza ya buri wese irusheho kuba myiza ndetse n’iterambere rirusheho kwihuta.



Ibi perezida Kagame yabitangaje kuri uyu wa Gatatu taliki ya 03 Nyakanga 2019,ubwo yari mu Murenge wa Kigali, Akarere ka Nyarugenge, mu muhango wo gutaha imidugudu y’icyitegererezo ya Karama yubakiwe abatishoboye bahoze batuye mu manegeka.

Nyakubahwa perezida wa Repubulika yavuze ko hakenewe uruhare runini rwa Leta n’abaturage kugira ngo buri munyarwanda wese utarabasha gutura ahantu heza,abigereho cyane ko ariko kwibohora nyako.

Yagize ati “Ntacyajyana neza n’umunsi wo Kwibohora tuzizihiza ejo kurusha ibi bikorwa, biteza imbere imibereho myiza,ibikorwa by’amajyambere ntacyabiruta.

Ibikorwa nk’ibi biba bidusaba gukora byinshi birenze ibi ngibi. Ni urugero rw’ibindi byinshi dukwiriye kuba dukora.

Ikindi byatanzeho urugero,ni ubufatanyebw’inzego za leta,uruhare rwa Leta n’ubufatanye bwayo n’abaturage.Twifuza ko n’uwari ufite intege nke uba wagejejweho ibikorwa nk’ibi n’abandi byabageraho. Nicyo twifuriza abanyarwanda bose bataragera kuri urwo rwego rwo kuba batuye kandi babayeho neza.”

Perezida Kagame yavuze ko atemeranya n’abavuga ko u Rwanda ndetse na Afurika muri rusange baremewe kuganya no gusabiriza.

Yagize ati “Mwibwira ko Imana yaremye isi, abantu ariko u Rwanda na Afurika ikabiremera guhora biraho biganya, bisabiriza, bikennye?Mu nyigisho zanjye zo kwemera Imana ibyo ntabwo birimo.

Mu nyigisho njye nzi zo kwemera ni ukuvuga ngo muri wowe, njyewe harimo ubushobozi, uburenganzira, byo kumera neza nkuko abantu bakwiye kuba bamera neza aho baba bari hose.”

Perezida Kagame yavuze ko ubuzima bwiza atari ubw’abandi ahubwo ari ubw’abanyarwanda bose ariyo mpamvu yifuza ko buri munyarwanda agezwaho ibyiza bimuteza imbere nawe afitemo uruhare.

Perezida Kagame yasabye abahawe uyu mudugudu I Karama ko bagomba gufata neza aya macumbi nabo bakifata neza muri aya macumbi bubakiwe.

Iyi midugudu igezweho yatujwemo imiryango 240, ikaba ifite ibyangombwa nkenerwa bitandukanye birimo amazi, umuriro w’amashanyarazi, amashuri n’ibindi.Inzu zatanzwe kuri aba baturage, harimo izifite agaciro ka miliyoni zisaga 22 n’izindi za miliyoni zisaga 19 Frw.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ruhango: Abagizi ba nabi batemye imyaka y’uwarokotse Jenoside indi...

Mu ijoro ryo kuri uyu wa 06 rishyira uwa 07 Mata 2020, mu Mudugudu wa...
7 April 2020 Yasuwe: 8121 6

Niringiyimana wakoze umuhanda wa 7Km yakorewe urugomo na bamwe mu baturanyi...

Umunyarwanda witwa Niringiyimana Emmanuel wo mu murenge wa Murambi mu...
20 March 2020 Yasuwe: 11531 4

Video: Umunyamakuru Angeli Mutabaruka wa TV1 avuga ko ubuzima bwe buri mu...

Nyuma y’aho hari abibasiye Angeli Mutabaruka, umunyamakuru wa TV1 kur rubuga...
9 March 2020 Yasuwe: 35978 8

Uganda yashyize mu kato abanyamahanga bane bari bayinjiyemo ibakekaho...

Abanyamahanga bane bari binjiye muri Uganda bahawe akato mu bitaro bya...
2 March 2020 Yasuwe: 4857 0

#Umwiherero 2020: Nubwo Uganda idusaba gufungura imipaka niyo...

Perezida Kagame yavuze ko ikibazo cy’u Rwanda na Uganda cyakomejwe na Uganda...
16 February 2020 Yasuwe: 6172 1

Umugabo wa Senateri Mureshyankwano ari mu baguye mu mpanuka yabereye...

Umugabo wa Senateri Mureshyankwano Marie Rose witwa Ngendahayo Edouard ari...
13 February 2020 Yasuwe: 18676 4