Kigali

Polisi y’igihugu igiye gutangira gufatira ibihano abantu bayihamagara bayituka n’abayisaba indirimbo aho gusaba ubutabazi

Amakuru   Yanditswe na: Dusingizimana Remy 11 November 2019 Yasuwe: 4524

Polisi y’u Rwanda yashyizeho imirongo itishyurwa yo gufasha Abanyarwanda bahuye n’ibibazo kugira ngo bayitabaze bahabwe ubufasha ariko bamwe mu Banyarwanda ntibaha agaciro icyo iyo mirongo yashyiriweho aho bamwe bayikoresha batuka abapolisi babitabye,abandi basaba indirimbo mu gihe abandi bayihamagara ntibagire icyo bavuga bakumvisha umupolisi ubitabye amajwi atagize icyo amaze.



Mu bushakashatsi bwakozwe n’ishami rya polisi y’u Rwanda rishinzwe kwakira Abanyarwanda kuri telefoni kuva tariki ya 11 kugeza tariki ya 18 Ukwakira 2019,bwagaragaje ko mu bantu bagera ku bihumbi 192,181 bahamagaye mu minsi umunani gusa, abantu bangana n’ibihumbi 159, 841 aribo bahamagaraga bafite impamvu zumvikana zitumye bahamagara.

Abagera ku 1,092 bahamagaye batuka umupolisi ubakiriye, abantu 902 bahamagara basaba indirimbo, abantu ibihumbi 8,643 bari abana bahamagaraga bakubagana, abantu 1,526 bahamagaraga basuhuza polisi, abantu 2,446 bahamagaraga basaba serivisi za bimwe mu bigo by’itumanaho,mu gihe abantu bagera ku 17,728 ari abahamagaraga ntibavuge bagaceceka.

Izi ngeso mbi zo guhamagarira Polisi ubusa zafatiwe ingamba aho abazongera guhamagarira Polisi y’igihugu bazajya bafatirwa ibihano bikarishye nkuko umuvugizi wa Polisi y’igihugu CP JB Kabera yabitangarije RBA.

CP JB yaburiye abakoresha nabi iyi mirongo bahamagara bavuga ibindi bitajyanye na serivisi za polisi ko biba inzitizi ku baturage bakeneye ubufasha cyangwa serivisi runaka batabona umwanya wo guhamagara kuko imirongo iba yihariwe n’abayikoresha nabi.

CP Kabera yasabye ababyeyi kubuza abana babo gukubaganya telefoni bapfa guhamagara nimero batazi ndetse asaba n’abakuze gucika kuri iyi ngeso mbi yo guhamagarira polisi ubusa kuko ngo bagiye kuzajya bafatirwa ibihano cyane ko nimero zabo ziba zigaragara.

CIP JB Kabera yavuze ko bagiye gukomeza kwigisha abanyarwanda akamaro gakomeye k’iyi mirongo ariko ngo ibihano bishobora kuzajya bifatirwa aba batuka abapolisi.

Yagize ati "Guhamagara polisi uyitera urwenya,uyituka bishobora gutwara ubuzima bw’uwayihamagaye ayitabaza akabura umurongo,bishobora gutwara imodoka ye,inzu ye n’ubucuruzi bwe bigashya bigakongoka.

Buri telefoni ihamagaye amajwi arafatwa ndetse na nimero z’abahamagara zirafatwa ku buryo byatworohera gufata aba bahamagara batukana.Ntitwifuza guhana ariko turashaka ko abantu bamenya akamaro k’iyi mirongo bakirinda guhamagarira ubusa.

Imirongo ya polisi yifashishwa mu kwaka ubutabazi ni: 110: Umutekano wo mu mazi ,111: Inkongi z’umuriro, 112: Ubutabazi bwihuse, 113: Impanuka zo mu muhanda, 118: Ibibazo bijyanye n’ishami rishinzwe umutekano wo mu muhanda, 997: kurwanya ruswa ,3511: Uhohotewe n’umupolisi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


  • chat_bubble

    mwene abo abarabateshamutwe ariko ntiwabura kwita kuko ntawamenya harigiheyaba kubwe ashaka ubufasha

    1 month ago

Inzindi nkuru

Umugabo wa Senateri Mureshyankwano ari mu baguye mu mpanuka yabereye...

Umugabo wa Senateri Mureshyankwano Marie Rose witwa Ngendahayo Edouard ari...
13 February 2020 Yasuwe: 13762 2

Dushobora no gukora n’inama igihumbi ikibazo kidakemuka –Amb. Nduhungirehe ku...

Umunyamabanga wa Leta y’u Rwanda muri Minisiteri y’ububanyi n’amahanga, Amb....
3 February 2020 Yasuwe: 3600 2

Dore ibihugu 10 bifite umwihariko mu kwizihiza ivuka rya Yezu/Yesu

Ku itariki25 Ukuboza buri mwaka, ibihugu byinshi ku isi dutuye byizihiza...
25 December 2019 Yasuwe: 7299 1

Koreya ya Ruguru yagerageje ikindi gisasu cya kirimbuzi mu rwego rwo...

Ikinyamakuru cya Leta ya Koreya ya ruguru cyatangaje ko iki gihugu...
14 December 2019 Yasuwe: 5049 2

Iburengerazuba: Ngororero yabonye amanota 10% mu gihe Rubavu yabaye iya...

Umuvunyi Mukuru, Anastase Murekezi yashimye Akarere ka Rubavu kubera...
2 December 2019 Yasuwe: 3200 1

Umujyi wa Kigali wiyemeje kutazongera kwimura abantu kubera ko batuye mu...

Ubuyobozi bw’Umujyi wa Kigali bwemeje ko nta muturage uzongera kwimurwa aho...
26 November 2019 Yasuwe: 10695 1