Kigali
startimes

RIB yafatiye mu mukwabu ibicuruzwa bitemewe bifite agaciro ka miliyoni zisaga 50 FRW

Amakuru   Yanditswe na: Dusingizimana Remy 11 November 2019 Yasuwe: 5364

Urwego rw’igihugu rw’ubugenzacyaha, RIB,ruravuga ko Ibicuruzwa bitemewe bifite agaciro ka miliyoni zirenga 80 z’amafaranga y’u Rwanda ari byo byafatiwe mu mukwabu w’iminsi 5 wiswe Operation USALAMA.



RIB yakoze uyu mukwabu kuva tariki 30 Ukwakira kugeza 04 Ugushyingo 2019, ifatanyije na Polisi y’Igihugu n’abaturage.

Abantu bagera kuri 46 nibo bafatiwe muri uyu mukwabu idasanzwe ndetse RIB ivuga ko igiye kubageza imbere y’amategeko.

Aba bacuruzi 46 bafashwe na RIB barashinjwa kwinjiza mu gihugu magendu zirimo caguwa,mukorogo no gucuruza ibiyobyabwenge by’amoko atandukanye bambukiranyije imipaka.

Mu muhango wo kumurikira itangazamakuru ibyavuye muri uyu mukwabu, Umuyobozi Mukuru muri RIB ushinzwe kugenza no gukurikirana ibyaha, Twagirayezu Jean Marie Vianney, yavuze ko ibikorwa byo guhiga ibi bicuruzwabireba abanyarwanda yaba mu kubyirinda no gutungira agatoki ababikora.

Ati “Tuboneyeho n’umwanya wo kubwira abantu bose muri rusange ko ibyaha ndengamipaka ndetse no gucuruza ibitemewe bitareba inzego zumutekano gusa, ahubwo bireba abaturarwanda bose n’abandi duhuje ubusabane b’ibihugu duturanye.”

Twagirayezu yavuze ko uyu mukwabu utanga umusaruro kuko abafashwe n’ubwo bashyikirizwa inzego zibishinzwe, banagirwa inama ndetse bakabera urugero abaturanyi babo ntibabyishoremo.

Raporo y’ibikorwa bya USALAMA yabaye ku nshuro ya 6, yagaragaje ko hafashwe ibicuruzwa byiganjemo amavuta yo kwisiga y’amoko atandukanye atujuje ubuziranenge ndetse atera ingaruka mbi ku ruhu, afite agaciro ka miliyoni 3,2 Frw.

Hanafashwe imyenda n’inkweto bya caguwa byinjiye ku masoko yo mu Rwanda mu buryo bunyuranyije n’amategeko, bifite agaciro ka miliyoni 11,2 Frw.

Muri uyu mukwabu kandi hafashwe ibiyobyabwenge bifite agaciro ka miliyoni 32,5 Frw. Byiganjemo urumogi rufite ibiro 136 , litiro 38,487 z’inzoga z’inkorano ziganjemo kanyanga.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ruhango: Abagizi ba nabi batemye imyaka y’uwarokotse Jenoside indi...

Mu ijoro ryo kuri uyu wa 06 rishyira uwa 07 Mata 2020, mu Mudugudu wa...
7 April 2020 Yasuwe: 8283 6

Niringiyimana wakoze umuhanda wa 7Km yakorewe urugomo na bamwe mu baturanyi...

Umunyarwanda witwa Niringiyimana Emmanuel wo mu murenge wa Murambi mu...
20 March 2020 Yasuwe: 11752 4

Video: Umunyamakuru Angeli Mutabaruka wa TV1 avuga ko ubuzima bwe buri mu...

Nyuma y’aho hari abibasiye Angeli Mutabaruka, umunyamakuru wa TV1 kur rubuga...
9 March 2020 Yasuwe: 36425 8

Uganda yashyize mu kato abanyamahanga bane bari bayinjiyemo ibakekaho...

Abanyamahanga bane bari binjiye muri Uganda bahawe akato mu bitaro bya...
2 March 2020 Yasuwe: 4884 0

#Umwiherero 2020: Nubwo Uganda idusaba gufungura imipaka niyo...

Perezida Kagame yavuze ko ikibazo cy’u Rwanda na Uganda cyakomejwe na Uganda...
16 February 2020 Yasuwe: 6220 1

Umugabo wa Senateri Mureshyankwano ari mu baguye mu mpanuka yabereye...

Umugabo wa Senateri Mureshyankwano Marie Rose witwa Ngendahayo Edouard ari...
13 February 2020 Yasuwe: 18749 4