skol
startimes

Abacamanza 2 muri 64 baherutse guhabwa inshingano bigometse kuri Perezida Tshisekedi banga kurahira

Amakuru   Yanditswe na: Martin Munezero 7 August 2020 Yasuwe: 737

Kuri uyu wa 4 Kanama 2020, Perezida Tshisekedi yarahije abacamanza baherutse guhabwa inshingano mu nkiko zitandukanye, aho babiri muri 64 bigometse bakanga kwitabira umuhango wo kubarahiza.


Aba ni Noël Kilomba Ngozi Mala na Jean Ubulu Pungu bari basanzwe bakora mu rukiko rusumba izindi muri Repubulika Iharanira Demukarasi ya Congo, bakimurirwa mu rukiko rusesa imanza tariki ya 17 Nyakanga 2020.

Aba banyamategeko bavuga ko bavanwa mu rukiko rusumba izindi batigeze babimenyeshwa binyuze mu buryo bugenwa n’itegeko, ikindi kandi ngo manda yabo muri uru rukiko ntiyari yakarangiye.

Inkuru ya AFP ivuga ko aba banyamategeko babiri bahawe umwanya mu rukiko rusumba izindi na Joseph Kabila wabaye Perezida wa RDC, muri Nyakanga 2014, manda yabo ikaba yaragombaga kumara imyaka icyenda. Bisobanuye ko bari kuva muri uru rukiko mu 2023.

Mu ibaruwa Noël Kilomba na Jean Ubulu bandikiye Perezida Tshisekedi, bagize bati : “Twahisemo kuguma muri uru rukiko kugeza ubwo manda yacu y’imyaka icyenda izaba irangiye.” Bashingiye ku ngingo y’158 y’Itegekonshinga ryo mu 2013, igika cya 3.

Kugeza ubu ntiharamenyekana igikurikira icyakwitwa ‘kwigomeka’ kw’aba banyamategeko. Gusa ikiriho ni uko mu rwego rw’ubutabera hamaze iminsi hakorwa impinduka zahereye ku kwegura kwa Celestin Tunda Ya Kasende wari Minisitiri w’Ubutabera no kwirukanwa kwa Perezida w’Urukiko rusumba izindi, Benoît Lwamba.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

FBI iri guhiga bukware Abashinwa 5 bagize itsinda rizwi nka APT...

Kuri uyu wa Gatandatu tariki ya 19 Nzeri 2020, Urwego rushinzwe iperereza...
20 September 2020 Yasuwe: 1685 0

Kaminuza ya Makerere yahiye hari gukorwa iperereza ku cyayitwitse

Polisi ya Uganda irimo gukora iperereza ku cyateye inkongi y’umuriro...
20 September 2020 Yasuwe: 782 0

Facebook igiye gufungura ishami ryayo muri Nigeria

Ikigo cy’ikoranabuhanga cya Facebook cyatangaje ko umwaka utaha kizafungura...
20 September 2020 Yasuwe: 174 0

Abatuye muri Amerika ntibemerewe ku-Downloadinga porogaramu za WeChat na...

Minisiteri y’Ubucuruzi muri Amerika yatangaje ko kuva ku wa 20 Nzeri,...
19 September 2020 Yasuwe: 463 0

Congo:Iperereza rirarimbanije ku kayabo k’amafaranga yo guhemba abakozi ba...

Muri Repubulika Iharanira Demokarasi ya Congo iperereza ku irengero rya...
18 September 2020 Yasuwe: 1021 0

Kizito Mihigo yahawe igihembo cya ‘Václav Havel International’, bwa mbere...

Bwa mbere mu mateka, Umuryango mpuzamahanga uharanira uburenganzira bwa...
18 September 2020 Yasuwe: 4689 0