Abadepite muri Uganda barwaniye mu nteko ishinga amategeko umwe ajyanwa mu bitaro

Amakuru   Yanditswe na: Martin Munezero 1 February 2020 Yasuwe: 2442

Muri Uganda hemejwe ko abadeite babiri bafatanye mu mashati bakarwana birangira umwe muribo ajyanwe mu bitaro nyuma yo gukomeretswa na mugenzi we wamukubise ikofe.



Uyu mudepite uhagarariye agace ka Aruu, Odonga Otto yajyanwe mu bitaro bya Nakasero ku wa Kane w’iki cyumweru nyuma yo gukubitwa na mugenzi we, Anthony Akol uhagarariye agace ka Kilak.

Aba badepite barwaniye mu nteko ishinga amategeko ya Uganda ku byavuzwe ko Depite Otto yari mu barimo kugumura abashyigikiye mugenzi we Akol ngo ntibazamutore kuko yagize uruhare mu gutuma bagurisha ubutaka bwa Leta mu Gace ka Amuru.

Aba nk’uko Daily Monitor ibitangaza, barwanye ubwo Akol yari aherekeje abamushyigikiye bari bamusuye ku nteko ishinga amategeko.

Abari aho bavuga ko Akol yanigaguye Otto ari nako amubaza impamvu amwangisha rubanda ngo ntiruzamutore. Depite Otto bivugwa ko atigeze ahakana ibyo aregwa, bituma barwana nyuma bakizwa na Depite wa Gulu, Lyandro Komakech.

Depite Okin PP Ojara, uhagarariye abadepite bo mu gace ka Acholi, avuga ko bazicara bakunga aba bagabo bombi.

Iyi si inshuro ya mbere abadepite bo muri Uganda barwana. Mu 2017, Depite w’agace ka Ayivu, Bernard Atiku yarwanye na nyakwigendera Depite, Ibrahim Abiriga bapfa ibitutsi.

Ubwo hasuzumwaga gukura imyaka umukuru w’igihugu atemerewe kurenza ngo yiyamamaze kandi nabwo imirwano yaradutse, induru ziravuga hagati y’abari babishyigikiye n’ababirwanyaga.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Tanzania: Umunyamakuru Eric Kabendera wari umaze amezi 7 muri gereza...

Nyuma y’amezi arindwi yari amaze muri gereza, umunyamakuru Eric Kabendera...
25 February 2020 Yasuwe: 1091 0

Intumwa y’Imana Gitwaza yaguze urusengero muri Amerika ku kayabo...

Itorero rya Zion Temple Celebration Centre ryaguze urusengero muri Leta...
24 February 2020 Yasuwe: 5416 0

Kenya:Abaganga bahunze ibitaro kubera abashinwa bari baje gusuzumwa...

Polisi ya Kenya yajyanye ku bitaro bya Makueni (Makueni hospital) Abashinwa...
24 February 2020 Yasuwe: 2861 1

Kenya igiye gukora ikintu gisekeje ku myenda y’Abapolisi mu rwego rwo...

Leta ya Kenya biravugwa ko igiye gufata ingamba zo gukura imifuka ku myenda...
24 February 2020 Yasuwe: 3275 1

Umwarimukazi wo muri Uganda watutse Perezida Museveni yagizwe...

Umwarimukazi wa kaminuza muri Uganda, DR Stella Nyanzi yatsinze urubanza...
23 February 2020 Yasuwe: 1802 0

Minisitiri w’Intebe Thabane wishe umugore we ntiyitabye urukiko

Minisitiri w’intebe wa Lesotho,Thomas Thabane wagombaga kwitaba urukiko ejo...
22 February 2020 Yasuwe: 1502 0