Abagabo 2 bakererewe kwinjira mu ndege ya Ethiopian Airlines ikabasiga bari mu byishimo birenze

Amakuru   Yanditswe na: Dusingizimana Remy 11 March 2019 Yasuwe: 10415

Abagabo 2 barimo ukomoka mu Bugereki bari mu byishimo bikomeye kubera ko basizwe ku munota wa nyuma n’indege ya kompanyi Ethiopian Airlines yo muri Ethiopia yakoze impanuka ku munsi w’ejo Taliki ya 10 Werurwe 2019.



Umugiriki Antonis Mavropoulos yagiye ku mbuga nkoranyambaga ashima Imana kubera ko yageze ku muryango wo kwinjira muri indege yakerereweho iminota ibiri yangirwa kwinjira.

Mu butumwa Mavropanos yatangaje ku rubuga rwe rwa Facebook akabuha umutwe ugira uti, "Umunsi w’amahirwe yanjye", yavuze ko iyo ndege yakoze impanuka imaze kumusiga yashyizwe mu ndege ikurikiyeho yerekeza i Nairobi hashize akanya gato ahita yakira ubutumwa bumubwira ko ya ndege yifuzaga kugendamo ikoze impanuka.

Antonis Mavropoulos yagize ati: "Nari narakaye cyane kubera ko nta muntu n’umwe wamfashije kwinjira mu muryango ku gihe.Wari umunsi w’amahirwe kuri njye.

Umupolisi yansabye kutigaragambya ahubwo ngasenga Imana. Ndishimira ko ndiho kandi nkaba mfite inshuti nyinshi cyane zatumye numva urukundo rwazo".

Undi mugabo witwa Ahmed Khalid uba i Dubai, yavuze ko nawe iyi ndege yamusize kubera ko mu rugendo rwa mbere hari habayeho gucyerererwa. Nuko aza gushyirwa mu ndege ya nyuma yahoo ijya i Nairobi.

Yagize ati"Buri muntu wese yari kubaza abatwaye indege ibiri kuba, ariko nta n’umwe wagiraga icyo avuga.Bakomeje kubaza kugeza ubwo umugenzi umwe yabonaga kuri telefone ye igendanwa ko indege ya mbere yari imaze akanya ihagurutse, nk’iminota itandatu ihagurutse, yari imaze gukora impanuka".

Iyi ndege yo mu bwoko bwa Boeing 737 Max 8 yavaga mu murwa mukuru Addis-Abeba wa Ethiopia yerekeza i Nairobi mu murwa mukuru wa Kenya, yakoze impanuka imaze iminota itandatu ihagurutse. Abantu 157 bose bari bayirimo barapfuye.


Itike y’indege ya Mavropanos wasizwe na Ethiopian Airlines

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble mazina

    Ndibo nahita mpindura ubuzima bwange ngashaka Imana nshyizeho umwete.Nahita niga bible nkamenya neza icyo Imana idusaba.Ahasigaye nkajya mu nzira nkajya mbwiriza abantu ijambo ry’Imana nkuko Yesu yabidusabye muli Yohana 14:12,nkuko we n’abigishwa be babigenzaga.
    Kwishima gusa ntugire icyo ukorera Imana,ntabwo byayishimisha.Hari ibintu byinshi Imana idusaba gukora abantu benshi batazi,kuko batiga neza bible.

    March 2019

Inzindi nkuru

Menya byinshi kuri Josh umupadiri w’imbonekarimwe ku isi ufite umugore...

Buri gitondo saa kumi zurukerera I Dallas padiri Josh ajya mu miisa ya...
18 February 2020 Yasuwe: 4490 0

Amashusho ya Patrick ufite umugore n’abana 3 ari gusambana na Mubyara we...

Amashusho y’iminota 20 n’amasegonda 15 y’umugabo wo muri Kenya uzwi nka...
17 February 2020 Yasuwe: 19696 0

Umusore yemeye inka zirenga 1000 z’inkwano ku mwuzukuru w’uwahoze ari...

KENNI BALLO umusore w’umunyakenya utuye mu murwa mukuru Nairobi avuga ko...
17 February 2020 Yasuwe: 4752 0

Uwiyita umukozi w’Imana yagaburiye abayoboke be inzoga na sosiso ababeshya...

Uwiyita umukozi w’Imana mu gihugu cya Zambia yafotowe mu rusengero ari guha...
15 February 2020 Yasuwe: 4331 1

Mu Bushinwa abaganga 1700 banduye icyorezo cya Coronavirus

Komosiyo y’ubuzima mu Bushinwa (NHC), yatangaje ko umubare w’abaturage...
15 February 2020 Yasuwe: 1173 0

Umunyafurika umwe rukumbi ni we ugaragara ku rutonde rw’abantu 9 bacungiwe...

Wowe utangiye gusoma iyi nkuru urimo kwibaza ngo abo bantu icyenda nibande?...
14 February 2020 Yasuwe: 17043 3