skol
startimes

Abagande 3 bafatanyije n’abanya-Zambia 3 bibye asaga miliyari muri banki yo muri Zambia

Amakuru   Yanditswe na: Martin Munezero 16 November 2020 Yasuwe: 4010

Abagande batatu bafatanyije n’abandi bagenzi babo bo muri Zambia batatu bafatiwe i Lusaka bazira kwinjira muri sisitemu yo kuzigama ya banki bakiba miliyoni 14,3 z’Ama-Kwacha, angana na miliyari 2,9 z’Amashilingi ya Uganda.


Bose uko ari batandatu bashinjwe iyezandonke n’ibindi byaha bifitanye isano nk’uko itangazo ryasohowe kuwa Gatanu n’ishami rishinzwe kurwanya iyezandonke muri Zambia rivuga.

Abatawe muri yombi ni Abanyazambiya; Patrick Kafula w’imyaka 38, Makhosana Ndolo w’imyaka 44, Austin Daka w’imyaka 30, n’Abagande; Vincent Ssempijja w’imyaka 29, Rashid Kyagulanyi w’imyaka 28, na Sylvester Apuli w’imyaka 43.

Iyi nkuru yatanganjwe na Chimpreports yo muri Uganda ivuga ko abashinjwa binjiye muri sisitemu ya banki yo muri Zambia bagakomeza kujya bemeza ihererekanya ry’amafaranga mu gihe cy’amezi atandatu. Itangazo rigira riti:

By’umwihariko muri iki cyaha hagati ya tariki 1 Mutarama, 2020 na tariki 4 Nyakanga, 2020, abaregwa bari bafite mu buryo butemewe USB ebyiri, USB flash imwe na mudasobwa igendanwa ikubiyemo porogaramu zigamije ahanini gukumira ingamba z’umutekano zo kurinda amakuru aboneka kuri sisitemu y’ibanze ya banki.

Ibi bikoresho ngo byafashije abakekwa kohereza amafaranga akoreshwa muri Zambia miliyoni 14, 378,000 bayakuye kuri konti z’ibigo bigera ku munani no ku bantu 78 bafite konti muri iyi banki.

Uko ari batandatu bategereje kugezwa imbere y’urukiko banashinjwe gutunga ibikoresho byakorewe kurenga ku ngamba zo kurinda amakuru y’ingenzi, kwinjira mu makuru badafitiye uburenganzira, ubujura n’iyezandonke.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abakoresha WhatsApp batangiye kuyitera umugongo

Urubuga rwa WhatsApp mu nzira yo gutakaza umubare munini w’abayikoresha dore...
13 January 2021 Yasuwe: 5983 0

Guverinoma ya Uganda yafatiwe icyemezo gikakaye

Guverinoma ya Uganda yakomwe mu nkokora n’urubuga nkoranyambaga rwa Facebook...
13 January 2021 Yasuwe: 5953 0

Umugambi wo kwigaragambya muri Uganda hose wamenyekanye

Abdul Kabenge, umwe mu bahuzabikorwa bo muri National Unity Platform (NUP)...
13 January 2021 Yasuwe: 5561 0

Jeff Bezos mu minsi 4 gusa yisubije umwanya we wa mbere w’umuntu ukize ku...

Umuherwe Jeff Bezos warusanzwe ari umukire agakurwaho na Elon Musk nyuma...
13 January 2021 Yasuwe: 3431 0

Bwa mbere Schwarzenegger wamamaye nka Komando yanenze Trump bahuje...

Icyamamare mu bya sinema akaba abarizwa no muri politike Arnold...
12 January 2021 Yasuwe: 4438 0

Michelle Obama yishe rimwe mu mahame adasanzwe buri muntu, kugera no ku...

Guhura n’umwamikazi w’u Bwongereza ndetse n’abagize umuryango w’ibwami bifatwa...
11 January 2021 Yasuwe: 9618 0