Nkuko amakuru ava muri iki gihugu cya Irani abivuga, ngo nibura abantu 44 bamaze gupfa bazize kunywa inzoga nyinshi nyuma y’ibihuha byagiye bikwirakwizwa hirya no hino mu gihugu ko bishobora kuvura cyangwa kurinda kwandura Coronavirus.

Sponsored Ad

Nubwo kunywa inzoga bibujijwe, ibihuha by’ibinyoma byakwirakwirijwe mu gihugu hose no ku mbuga nkoranyambaga ko kunywa inzoga bishobora gukiza cyangwa gukumira coronavirus. .

Ibi byagaragaye cyane mu ntara ya Kguzestan no muri alborz, izi zikaba ari zimwe mu ntara z’iki gihugu cya Iran aho abaturage bari kugerageza kwirinda icyorezo cya coronavirus.

Nk’uko ibiro ntaramakuru by’igihugu IRNA bibitangaza, ngo mu gace kamwe k’igihugu ka Khuzestan, abantu benshi bamaze gupfa bazize kunywa inzoga nyinshi kurusha abapfuye bazize coronavirus muri ako karere, aho abantu barenga 30 bapfuye bazize inzoga, 18 bagapfa bazize virusi.

Iki gihugu cyo mu burasirazuba bwo hagati ni kimwe mu bihugu byibasiwe cyane na coronavirus (CODVID-19), gihanganye n’ikibazo cyo gukumira iyi virusi. aho kuri ubu gifite abantu barenga 8.042 bemejwe ko banduye kandi byibuze hapfa abantu 291 guhera kuri uyu wa kabiri w’iki cyumweru.