Abanya Kenya barasaba u Rwanda kurekura bene wabo baherutse gufungwa bazira kwambura urubyiruko bakarubeshya ko baruha amadolari 197 y’ubuntu

Amakuru   Yanditswe na: Dusingizimana Remy 13 August 2019 Yasuwe: 3540

Mu gitondo cyo kuri uyu wa kabiri bamwe mu banyakenya bakoresha urubuga rwa Twitter batangiye inkubiri bise #KagameFreeKenyans basaba ko abenegihugu babo bafungiye mu Rwanda barekurwa.



Abo basabira kurekura ni Charles Kinuthia n’abakozi be babiri barimo umwe w’umugore bamaze ukwezi bafunzwe by’agateganyo muri gereza nkuru ya Kigali i Mageregere.

Charles Kinuthia azwi na bamwe mu banya Kenya nk’utegura inama z’ubujyanama buganisha ku bukungu zitwa ’Wealth Fitness International’.

Mu nkubiri ya #KagameFreeKenyans, abanyakenya bamwe barinubira kuba Charles Kinuthia na bagenzi be barafunzwe kubera iyi nama bateguye i Kigali kandi basanzwe ngo bazikora n’ahandi ku isi.

Bagaragaza amafoto ya zimwe muri izo nama yakoze i Dubai, i Lagos, i Addis Ababa, n’izo yateganyaga i Nairobi, Kuala Lumpur, Doha na Abu Dhabi, bakavuga ko Kigali itari umwihariko.

Tariki 25 z’ukwezi gushize,nibwo ibihumbi by’urubyiruko byagiye kuri Kigali Convention Centre,ruvuga ko rwatumiwe mu nama yiswe ’wealth and fitness summit’ ndetse ko ngo babwiwe ko baratahana amadolari 197.

Abari bitabiriye iyi nama bavuze ko babwiwe ko bagombaga kuyiboneramo ubumenyi ariko bagahabwa n’amadorari 197 y’Amerika yo kwitabira (arenga 177,000 Frw).

Abaje muri iyi nama babwiye BBC ko basabwe kwishyura nibura 4,500 Frw kugira ngo bemererwe kuyitabira. Iyi nama ntiyabaye ndetse benshi ntibasubijwe amafaranga yabo nyuma yo gukomwa mu nkokora n’umubare mwinshi w’abayitabiriye.

Charles Kinuthia na bagenzi be batawe muri yombi,ndetse baburanishirizwa mu rukiko rwa Kagarama bashinjwa ibyaha byo gukoresha inama itemewe no kwiha iby’abandi bakoresheje ubushukanyi.

Abaregwa bahakanye ibi byaha bavuga ko icyo bateguye itari inama ahubwo yari amahugurwa, kandi bagombaga kwishyuza abayitabiriye, gusa ngo uru rubyiruko rwumvise nabi ubutumwa rwahawe.

Mu kwezi gushize nibwo urukiko rw’ibanze rwa Kagarama rwakatiye gufungwa by’agateganyo aba banya kenya mu gihe hagikorwa iperereza.

Iri fungwa ryabo ryahuriranye n’ikiruhuko cy’ubucamanza mu Rwanda, kizarangira mu mpera z’ukwezi kwa Nzeri bakaburana mu mizi.

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Manigirubuntu yagiye mu kizamini afatwa n’inda arasimbuka ajya kubyara ahita...

Imana igira ubuntu yaremanye abagore imbaraga zo gutanga ubuzima no gukora...
21 November 2019 Yasuwe: 4770 2

Indege ya Ethiopian Airlines yahagaze igitaraganya I Bujumbura kubera...

Indege ya Ethiopian Airlines yaguye by’igitaraganya i Bujumbura hafatwa...
21 November 2019 Yasuwe: 3294 0

Urubanza rwa Sankara wari umuvugizi wa FLN rwamenyekanye igihe...

Ubutabera bw’u Rwanda bwamaze gutangaza ko urubanza rwa Nsabimana Callixte...
21 November 2019 Yasuwe: 2091 0

Igitero Uburundi bwashinjaga u Rwanda cyigambwe n’undi mutwe ushaka...

Hari hashize iminsi Leta y’Uburundi ishinja u Rwanda kugaba igitero ku ngabo...
21 November 2019 Yasuwe: 6960 0

RDC: Wa mukecuru w’imyaka 83 ucyigisha kubera kwimwa ikiruhuko cy’izabukuru...

Mwarimukazi Bernadette Lukoki umaze imyaka 66 yigisha mu ishuri ribanza...
21 November 2019 Yasuwe: 5202 0

Ububiligi:Neretse yashinjwe guha amafaranga interahamwe n’umutangabuhamya...

Urukiko mu Bubiligi ku wa 20 Ugushyingo 2019 rwakomeje kuburanisha urubanza...
20 November 2019 Yasuwe: 1325 1