Abanyamahanga 100 batawe muri yombi na Polisi yo muri Afurika Y’Epfo

Amakuru   Yanditswe na: Martin Munezero 29 January 2020 Yasuwe: 1210

Polisi yo muri Afurika y’Epfo yakoze umukwabu mu Mujyi wa Johannesburg, ita muri abanyamahanga ijana (100) badafite ibibaranga mu karere ka Diepsloot kari mu majyaruguru y’uyu mujyi.



Ni nyuma y’uko muri uyu mujyi habaye imyivumbagatanyo yavuye kw’iyicwa ry’umwe mu bayobozi ba Polisi ryashinjwe umunyazimbabwe mu cyumweru gishize.

BBC yatangaje ko ibintu bitifashe neza muri ako karere nyuma y’aho igipolisi gikoreye umukwabu ku banyamahanga badafite ibibaranga.

Uwo mukwabu wakurikiye imyigaragambyo y’abanyagihugu baba muri uwo mujyi bateye amaduka y’abanyamahanga basanzwe bashinjwa ko ari bo bateza ingorane y’ubukene muri icyo gihugu.



Umuyobozi wa polisi Oupa Matjie yishwe ubwo bari bagiye gufata umunyabyaha, icyaha cyo kumwica gishinjwa umugabo akomoka muri Zimbabwe.

Ubwo bwicanyi bwatumye haduka iyo myivumbagatanyo, maze amashusho y’uwo ukekwa akwiragizwa ku mbuga nkoranyambaga.

Abanya Afrika y’Epfo benshi baba muri ako karere baramagana ihohoterwa rikorerwa abanyamahanga, mu gihe abandi nabo babasaba kwitonda cyangwa bakava muri icyo gihugu.



Ntawuzi amaherezo y’abo banyamahanga bakomoka mu bihugu bitandukanye bya Afrika bafashwe badafite ibibaranga.

Hagati aho, akenshi bimaze kugaragara ko igipolisi, iyo gihagaritse abanyamahanga baba mu gihugu badafite ibibaranga, cyongera kikabarekura.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ubwoba bwa Coronavirus bwatumye abaturage muri Amerika biba...

Mu gihe ibihugu hirya no hino ku Isi bihangayikishijwe n’icyoerzo cya...
30 March 2020 Yasuwe: 4629 0

Covid-19:Muri Uganda abaturage Batangiye Kwiba Ibyo Kurya

Kuri uyu wa kane mu masaha ya nyuma ya saa sita, polisi yatangaje ko abantu...
29 March 2020 Yasuwe: 4864 0

Abanyarwanda 342 birukanwe muri Uganda bashinjwa kuba aribo ngo babanduje...

Abanyarwanda bakomeje kwirukanwa muri Uganda, aho kuri ubu 342 bakoreraga...
28 March 2020 Yasuwe: 2008 0

Covid-19:Umupadiri muri Uganda yabaye yicukuriye imva bazamuhambamo

Umupadiri w’Umutaliyani uba mu gihugu cya Uganda kuri Paruwasi Katolike ya...
28 March 2020 Yasuwe: 6154 0

Nyuma y’igihe gito afunguwe yasubiye igitaraganya kuri gereza kwaka ubufasha...

Umugabo wahoze ari umugororwa muri gereza ya Awutu, nyuma y’iminsi micye...
28 March 2020 Yasuwe: 13308 0

Umugore yanduje injangwe ye Coronavirus mu buryo budasobanutse

Kuri uyu wa Gatanu taliki ya 27 Werurwe 2020, ikigo gishinzwe ubuzima...
28 March 2020 Yasuwe: 3542 0