skol
startimes

Abanyamulenge bari kwirukanwa mu mijyi yo mu Burundi

Amakuru   Yanditswe na: Martin Munezero 12 October 2020 Yasuwe: 3244

Kuva ku wa Gatandatu taliki 10 Ukwakira 2020, abapolisi biriwe bahiga impunzi zose z’Abanyekongo bo mu bwoko bw’Abanyamulenge batuye mu duce two mu mujyi mu Ntara ya Muyinga (mu majyaruguru y’uburasirazuba bw’igihugu).


Amakuru aturuka mu gihugu cy’u Burundi aravuga ko abafashwe bajyanwa mu nkambi ebyiri z’impunzi mu Ntara ya Ngozi ihana imbibi na Muyinga, aho igipolisi kibakekaho gukorana n’imitwe yitwaje intwaro imaze iminsi ivugwa ahantu hatandukanye mu gihugu.

Amakuru agera ku rubuga SOS Médias Burundi, dukesha iyi nkuru, avuga ko itegeko ryemewe ryo kwirukana impunzi z’Abanyamulenge mu bice by’Umujyi wa Muyinga ryaturutse ku buyobozi bwa polisi yaho. Bamwe mu baturage bo muri Muyinga bavuganye n’uru rubuga bagira bati:

Impunzi zose z’Abanyamulenge, zisanzwe cyangwa zitari zo, zigomba gufatwa zikajyanwa mu nkambi zashinzwe mu ntara yacu no mu ntara duturanye ya Ngozi. Abapolisi babashakishaga cyane kuva kuwa gatandatu. Bakekwaho gufatanya n’abantu bitwaje imbunda baherutse kugaba ibitero mu bice bitandukanye by’igihugu.

Nk’uko abaturage babitangaza, ku wa Gatandatu, itariki 10 Ukwakira, impunzi z’Abanyamulenge 31 zatawe muri yombi. Bati:

Bajyanywe mu nkambi z’impunzi z’Abanyekongo za Kinama muri Komini ya Gasorwe (Muyinga) na Musasa muri Komini ya Kiremba (Ngozi).

Ibi byabereye i Muyinga ngo bikaba byarakozwe nyuma y’ibikorwa nk’ibyo byakozwe mu zindi ntara.

Amakuru aturuka mu gipolisi agera kuri SOS Médias Burundi avuga ko izo mpunzi z’Abanyamulenge zikekwaho gukorana n’imitwe yitwaje intwaro ikorera muri Kivu y’Amajyepfo, muri Repubulika iharanira Demokarasi ya Congo, intara ikomokamo Abanyamulenge.

“Tugomba kubakurikirana, kandi ahantu hizewe ni inkambi y’impunzi. ”

Biravugwa ko ku wa Gatanu, muri Gitega, abapolisi bataye muri yombi impunzi 64 z’Abanyamulenge ziganjemo abanyeshuri mu yisumbuye n’amashuri makuru bajyanwa mu nkambi y’impunzi ya Bwagiriza mu Ntara ya Ruyigi, mu burasirazuba bw’igihugu.

Mu kiganiro n’abanyamakuru, umuvugizi wa minisiteri ishinzwe impunzi yatangaje ko impunzi zose z’Abanyamulenge zigomba kuguma mu nkambi z’impunzi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uganda:Inzego z’umutekano zatahuye umugambi wo kwica Bobi Wine no gutwika...

Muri Uganda, inzego zishinzwe umutekano zatahuye umugambi wateguraga wo...
25 November 2020 Yasuwe: 2850 0

Ibiteye amatsiko byihariye wamenya kuri Kamala watorewe kuba Visi Perezida...

Kamala Devi Harris yavutse ku ya 20 Ukwakira 1964, akaba Umurwanashyaka...
24 November 2020 Yasuwe: 3175 0

Bamwe mu bayobozi b’imiryango itegamiye kuri Leta y’abanyamahanga batangiye...

Byibuze abayobozi b’imiryango ibiri itegamiye kuri leta (ONG) iterwa inkunga...
24 November 2020 Yasuwe: 1071 0

Igihugu cya Uganda gikomeje kwibikaho ibimodoka by’intambara[AMAFOTO]

Igihugu cya Uganda cyatumije ibimodoka by’intambara kikaba kigiye kwibikaho...
23 November 2020 Yasuwe: 4761 0

Ibintu 5 utazi kuri Angela Merkel,umugore w’umunyacyubahiro mu...

Angela Dorothea Merkel yavutse tariki 17 Nyakanga 1954,ni umunyapolitiki...
23 November 2020 Yasuwe: 2108 0

Ibyihariye wamenya ku mukobwa wa Barack Obama[AMAFOTO]

Kuva uwahoze ari perezida wa Leta zunze ubumwe za Amerika, Barack Obama...
23 November 2020 Yasuwe: 5033 0