addresiya
startimes

Abanyarwanda 342 birukanwe muri Uganda bashinjwa kuba aribo ngo babanduje Coronavirus

Amakuru   Yanditswe na: Martin Munezero 28 March 2020 Yasuwe: 2082

Abanyarwanda bakomeje kwirukanwa muri Uganda, aho kuri ubu 342 bakoreraga akazi k’ingeri nyinshi harimo n’ubucuruzi muri iki gihugu bagarutse mu Rwanda nyuma y’uko ‘ngo birukanywe’ n’ingabo n’abaturage babashinja ko ari bo babazanyemo icyorezo cya coronavirus.



Abageze mu Rwanda ejo bari 125 ubu bacumbikiwe mu kigo cy’amashuri cya Kagogo kiri mu murenge wa Kagogo muri Burera, bamwe muri bo bakaba bavuga ko bari basanzwe bacururiza muri Uganda, abandi bakorayo indi mirimo.

Mu gasanteri ka Gahenerezo kuri Kisoro, kegereye cyane umupaka w’ibihugu byombi, ku buryo abahaturiye bisanzura kandi bakagenderana nk’abaturanyi, abahakoreraga bageze mu Rwanda kuwa kane taliki 26 Werurwe 2020.

Kugeza ubu Abanyarwanda 342 ni bo bamaze kugera mu Rwanda ariko ngo hari abandi bagikomeje kuza, aho abazanywe bose bashyirwa mu kato ahantu hatandukanye kugira ngo basuzumwe niba nta Covid-19 bafite, abayibasanganwe bitabweho.

Umwe muri bo wafatiwe Gahenerezo utashatse ko tumutangaza amazina avuga ko ejo (ku wa Kane taliki, 26 Werurwe, 2020) haje imodoka irimo abasirikare ba Uganda, babambura ibyo bacuruzaga birimo ibikoresho bitanga amashanyarazi akomoka ku mirasire y’izuba, bababwira ko bataha iwabo, ko ari bo bari kubazanira Coronavirus.

Yemeza ko n’abandi Banyarwanda bajyagayo basubizwaga inyuma byihuse, bababwira ko baje kubanduza Coronavirus.

Undi mugore uri muri aba batashye ejo, avuga ko hari bamwe muri bo bakubiswe abandi bacibwa amande ubundi babashyira mu modoka babazana ku mupaka.

Guverineri Gatabazi ati: “ Vuba aha hari ingabo za UPDF zaje hafi y’umupaka wacu..”

Umuyobozi w’Intara y’Amajyaruguru, Hon. Jean Marie Vianney Gatabazi yabwiye Radio Rwanda ko hari ingabo za Uganda ziherutse kuza hafi y’umupaka wa Cyanika, ngo zikaba zari mu bikorwa byo gufasha mu kwirukana Abanyarwanda.

Gov Gatabazi avuga kandi ko ubuyobozi bw’Intara ayoboye bwatangiye kwakira bariya Banyarwanda mu ntangiriro z’iki Cyumweru.

Ati: “Hari n’abandi bagiye kuza, twabakiriye guhera mu ntangiriro z’iki cyumweru bamwe binjiriye Burera, abandi binjira Gatuna…”

Avuga ko bose bagiye bashyirwa mu kato (isolation centers) kugira ngo niba hari bamwe muri bo banduye bitabweho.

Gov Gatabazi yemeza ko uko itsinda rije ariko barishyira hamwe kugira ngo rihabwe umuganga n’abaforomo batatu cyangwa benshi bitewe n’abarigize uko bangana.

Avuga ko bagiye bashyirwa mu kato ahantu hatandukanye harimo Cyanika, Kageyo, Karambo, hafi ya za Rwesero n’ahandi.

Ndetse ngo hari zimwe muri Hotel zitabajwe. Umuyobozi w’Intara y’Amajyaruguru avuga ko bamwe mu Banyarwanda bakiriye bavuga ko birukanywe bavuye Kampala na Nakivara, kandi ikibazo benshi bafite ngo akaba ari uko nta gikoresho cyo mu rugo na kimwe bafite.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Eddy Kenzo yongeye atakambira Guverinoma ya Uganda

Umuhanzi Eddy Kenzo umaze igihe kinini yaraheze mu gihugu cya Cote d’Ivoire...
28 May 2020 Yasuwe: 1253 0

Umwirabura wishwe urupfu rw’agashinyaguro yateje imyigaragambyo muri...

Habaye imirwano ikomeye hagati y’abapolisi n’abigaragambya mu mujyi wa...
28 May 2020 Yasuwe: 3057 1

Abashoferi b’amakamyo muri Uganda batorotse bamaze kumenya ko banduye...

Uganda Minisiteri y’Ubuzima yatangaje ko abashoferi 7 b’amakamyo batorotse...
27 May 2020 Yasuwe: 1216 0

Abagore 2 bakundana nibo babaye aba mbere aho bakomoka bashyingiwe bahuje...

Abagore babiri bakundana nibo babaye aba mbere bashyingiwe, ni ibirori...
27 May 2020 Yasuwe: 2725 1

Umugore yishe abana be 3 nawe agerageza kwiyahura urupfu ruramwanga...

Mu guhugu cya Philippines, umubyeyi w’abana batatu barimo umwe wari ukiri ku...
27 May 2020 Yasuwe: 3322 0

Umukobwa yavuze agahinda yatewe n’inshuti ye magara yamutwaye umukunzi bari...

Umukobwa ukomoka muri Nigeria yerekeje kuri Twitter arijujuta nyuma yuko...
27 May 2020 Yasuwe: 2248 1