Abanyeshuri 14 muri Kenya bapfiriye mu mubyigano wabereye ku kigo cyabo abandi 20 bajyanwa mu bitaro

Amakuru   Yanditswe na: Martin Munezero 4 February 2020 Yasuwe: 2146

Mu gihugu cya Kenya ahitwa Kakamega, abanyeshuri 14 bigaga mu mashuri abanza bapfiriye mu mubyigano wabereye ku ishuri ryabo ariko kugeza ubu hakaba hataramenyekana icyawuteye.



Amakuru aturuka Kakamega dukesha The East African avuga ko abandi 20 bajyanywe mu bitaro, uyu mubyigano wabaye kuri uyu wa Mbere taliki 03 Gashyantare, 2020 ahagana saa kumi n’imwe z’umugoroba abanyeshuri batashye.

Bivugwa ko bamwe bahanutse hejuru kuri etage ya gatatu, barapfa abandi bavunika ingingo.

Ubuyobozi bwasabye ko hatangizwa iperereza risesuye ku cyateye uriya mubyigano, hagira abo bigaragara ko babigizemo uruhare bagakurikiranwa n’amategeko.

Visi Perezida wa Kenya William Ruto yihanganishije ababyeyi baburiye abana babo muri biriya byago.

Raila Odinga nawe yasabye ababuze ababo gukomera kandi asaba ko iperereza risesuye rwatangizwa ku cyateye uriya mubyigano wahitanye abanyeshuri 14.

Aha muri Kenya kandi Daniel Toroitich arap Moi wabaye Perezida wa kabiri wa Kenya, yitabye Imana ku myaka 95 aguye mu bitaro bya Nairobi.

Moi wabanje kuba umwarimu mbere yo kujya muri politiki, ni we Perezida wa Kenya wamazeho igihe kirekire ndetse ahindura bikomeye iki gihugu.

Yayoboye kuva mu 1978 kugeza mu 2002, agera ku butegetsi asimbuye Jomo Kenyatta.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Tanzania: Umunyamakuru Eric Kabendera wari umaze amezi 7 muri gereza...

Nyuma y’amezi arindwi yari amaze muri gereza, umunyamakuru Eric Kabendera...
25 February 2020 Yasuwe: 1227 0

Intumwa y’Imana Gitwaza yaguze urusengero muri Amerika ku kayabo...

Itorero rya Zion Temple Celebration Centre ryaguze urusengero muri Leta...
24 February 2020 Yasuwe: 5477 0

Kenya:Abaganga bahunze ibitaro kubera abashinwa bari baje gusuzumwa...

Polisi ya Kenya yajyanye ku bitaro bya Makueni (Makueni hospital) Abashinwa...
24 February 2020 Yasuwe: 2896 1

Kenya igiye gukora ikintu gisekeje ku myenda y’Abapolisi mu rwego rwo...

Leta ya Kenya biravugwa ko igiye gufata ingamba zo gukura imifuka ku myenda...
24 February 2020 Yasuwe: 3323 1

Umwarimukazi wo muri Uganda watutse Perezida Museveni yagizwe...

Umwarimukazi wa kaminuza muri Uganda, DR Stella Nyanzi yatsinze urubanza...
23 February 2020 Yasuwe: 1814 0

Minisitiri w’Intebe Thabane wishe umugore we ntiyitabye urukiko

Minisitiri w’intebe wa Lesotho,Thomas Thabane wagombaga kwitaba urukiko ejo...
22 February 2020 Yasuwe: 1506 0