Abari kuri Moto bagabye igitero muri Mali bica abashinzwe umutekano 15

Amakuru   Yanditswe na: Martin Munezero 27 January 2020 Yasuwe: 968

Kuri iki Cyumweru tariki ya 26 Mutarama 2020, abapolis n’abandi bashinzwe umutekano bagabweho igiteo n’abitwaje intwaro bagenderaga kuri moto, 15 bahasiga ubuzima.



Icyo gitero cyagabwe ahanini mu kigo cya gisirikare cya Sokolo, giherereye mu gace ka Segou kari rwagati mu gihugu cya Mali

Birakekwa ko abagabye icyo gitero ari imitwe y’iterabwoba igendera ku mahame y’idini ya Islam, Islamic State.

BBC yatangaje ko abantu bitwaje imbunda baje bari kuri za moto, bakica abashinzwe umutekano bari muri icyo kigo, abapfuye benshi biganjemo abapolisi.



Hashize igihe imitwe ishamikiye kuri Islamic State na Al Qaeda igaba ibitero muri Mali no mu karere icyo gihugu giherereyemo.

Umwaka ushize, abandi basirikare 24 biciwe mu Burasirazuba bwa Mali. Mbere yaho nabwo abandi basirikare 54 bari biciwe mu kindi gitero.

Mu gitero cyagabwe kuri iki Cyumweru, ababibonye bavuze ko abo bagizi ba nabi bibye n’ibikoresho bya gisirikare.



Mali yatangiye kwinjira mu bibazo by’umutekano muke guhera mu 2012 ubwo inyeshyamba zitwaza idini ya Islam z’aba-Tuareg zatangizaga intambara yo kwigomeka zigafata imijyi myinshi mu bice by’Amajyaruguru.

Ingabo za Mali zibifashijwemo n’iz’u Bufaransa zigera ku 4500 ndetse n’iza Loni 13 000 babashije kwisubiza uduce twari twigaruriwe n’inyeshyamba.

Ubuzima bw’abaturage benshi bukomeje gutikirira muri iyo ntambara yanageze mu bindi bihugu nka Burkina Faso na Niger.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Covid-19:Bamwe mu baturage bo mu Buhinde bahisemo kwituranira n’inyoni...

Abaturage 7 bo mu Buhindi bakoze agashya katunguye benshi ubwo bafataga...
3 April 2020 Yasuwe: 2769 1

Covid-19:Muri Amerika imbunda nizo ziri kugurwa ku bwinshi

Biragaragara ko muri iyi minsiAbanyamerika batari kugura ibiryo n’impapuro...
2 April 2020 Yasuwe: 4956 0

Muri Iran abantu barenga 1300 bigabije ikiyobyabwenge bakinywa ku bwinshi...

Muri Iran, abantu barenga 1300 bigabije ikiyobyabwenge cya Methanol...
1 April 2020 Yasuwe: 3303 0

Covid-19:Muri Nigeria abadepite bemeye kudahembwa

Abadepite bo muri Nigeria bemeye gukatwa imishahara yabo y’amezi abiri...
1 April 2020 Yasuwe: 793 0

Abantu babarirwa hagati ya 100, 000 na 200, 000 bashobora guhitanwa na...

Perezida wa Leta zunze ubumwe za Amerika, Donald Trump yatangaje ko abantu...
31 March 2020 Yasuwe: 2547 0

Ubwoba bwa Coronavirus bwatumye abaturage muri Amerika biba...

Mu gihe ibihugu hirya no hino ku Isi bihangayikishijwe n’icyoerzo cya...
30 March 2020 Yasuwe: 5470 1