Abarundi 4 bo mu nkambi y’impunzi muri Uganda batawe muri yombi bashinjwa kuba intasi z’u Rwanda

Amakuru   Yanditswe na: Martin Munezero 17 March 2020 Yasuwe: 2002

Abarundi bane babarizwa mu nkambi y’impunzi ya Nakivale muri Uganda batawe muri yombi, abandi babiri baratoroka, bose bashinjwa kuba intasi z’u Rwanda.



Ikinyamakuru SOS Médias Burundi cyanditse ko ku wa Kane tariki ya 12 Werurwe 2020, ahagana saa Tanu za mu gitondo, abapolisi bo muri Uganda bateye ahantu hari hari itsinda ry’urubyiruko rw’impunzi z’Abarundi imbere mu Nkambi ya Nakivale ibarizwamo abantu batandukanye bo mu bihugu byo mu Karere ka Afurika y’Uburasirazuba.

Ababonye ibi biba bavuga ko urwo rubyiruko rwari ruri kuganiraga bisanzwe, nta kintu na kimwe kiruhangayikishije, nyuma bagatungurwa no kubona batangiye gufatwa n’abapolisi n’abakozi b’inzego z’ubutasi za Uganda; bane muri bo bafatiwe aho abandi babiri baratoroka.

Nyuma ngo bakiriye amakuru avuga ko bari bakomeje gukurikiranwa kandi bagacungwa n’abapolisi bambaye imyenda ya gisivili kuva muri icyo gitondo.



Abasore babiri bahunze ntibongeye kugaruka kuryama iwabo kuko mu ijoro ryo kuri uwo munsi, abapolisi bongeye kugaruka kubahiga batunguranye.

Amakuru aturuka mu Nkambi ya Nakivale avuga ko abahagarariye impunzi babimenyesheje abaharanira uburenganzira bwa muntu mu Burundi bari mu buhungiro, babasaba gukurikiranira hafi icyo kibazo.

Andi makuru avuga ko urwo rubyiruko rwatawe muri yombi n’abapolisi bafatanije n’izindi mpunzi zifite ubwenegihugu bw’u Rwanda.



Uru rubyiruko ntiruzi impamvu rwakurikiranywe, ariko hari amakuru avuga ko hari abantu bifatanyije na polisi kugira ngo bashotore abantu bo guta muri yombi.

Mu minsi mike ishize, undi musore w’impunzi w’Umurundi yatawe muri yombi, akorerwa iyicarubozo mbere yo kujyanwa ahantu hataramenyekana kugeza ubu. Impunzi zivuga ko na we akekwaho kunekera u Rwanda.

Nyuma yo gutabwa muri yombi, ubwoba bwabaye bwinshi by’umwihariko mu rubyiruko ruri mu nkambi. Bamwe muri bo ntibakirara mu macumbi yabo.

Impunzi z’Abarundi z’i Nakivale zirasaba Guverinoma ya Uganda n’Ishami ry’Umuryango w’Abibumbye ryita ku Mpunzi (UNHCR) kubungabunga umutekano wazo cyane ko zihangayikishijwe nuko hari abantu bafite imigambi mibi, bashaka kwinjiza bagenzi babo mu bibazo bitabareba.

Mbere yo gutangira guta muri yombi impunzi, inzego z’umutekano za Uganda zimaze igihe kinini zifata Abanyarwanda, bagakorerwa iyicarubozo ndetse bamwe bikabaviramo ibibazo bikomeye.

Ahanini abatotezwa ni abanga gukorana n’imitwe y’Iterabwoba nka RNC ya Kayumba Nyamwasa na FDLR igizwe n’abasize bakoze Jenoside yakorewe Abatutsi ifite umugambi wo guhungabanya umutekano w’u Rwanda.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ubwoba bwa Coronavirus bwatumye abaturage muri Amerika biba...

Mu gihe ibihugu hirya no hino ku Isi bihangayikishijwe n’icyoerzo cya...
30 March 2020 Yasuwe: 4574 0

Covid-19:Muri Uganda abaturage Batangiye Kwiba Ibyo Kurya

Kuri uyu wa kane mu masaha ya nyuma ya saa sita, polisi yatangaje ko abantu...
29 March 2020 Yasuwe: 4833 0

Abanyarwanda 342 birukanwe muri Uganda bashinjwa kuba aribo ngo babanduje...

Abanyarwanda bakomeje kwirukanwa muri Uganda, aho kuri ubu 342 bakoreraga...
28 March 2020 Yasuwe: 1994 0

Covid-19:Umupadiri muri Uganda yabaye yicukuriye imva bazamuhambamo

Umupadiri w’Umutaliyani uba mu gihugu cya Uganda kuri Paruwasi Katolike ya...
28 March 2020 Yasuwe: 6134 0

Nyuma y’igihe gito afunguwe yasubiye igitaraganya kuri gereza kwaka ubufasha...

Umugabo wahoze ari umugororwa muri gereza ya Awutu, nyuma y’iminsi micye...
28 March 2020 Yasuwe: 13265 0

Umugore yanduje injangwe ye Coronavirus mu buryo budasobanutse

Kuri uyu wa Gatanu taliki ya 27 Werurwe 2020, ikigo gishinzwe ubuzima...
28 March 2020 Yasuwe: 3541 0