Abaturage bishe umusirikare wari uvuye mu butumwa bw’amahoro muri Somaliya babitewe n’umujinya wa mugenzi wabo yari amaze kwica

Amakuru   Yanditswe na: Martin Munezero 12 June 2019 Yasuwe: 5058

Abaturage bo mu Karere ka Bududa muri Uganda bishe umusirikare w’icyo gihugu kubera uburakari batewe na mugenzi wabo yari yishe bapfuye Waragi iba mu gashashi.

Nk’uko ikinyamakuru Daily Monitor cyabyanditse, abatangabuhamya bavuze ko uwo musirikare Private Fred Kimanai w’imyaka 32, abaturage bamwishe bihorera ubwo bari mu kiriyo.

Uwo musirikare utuye muri ako gace ngo yari avuye mu butumwa bw’amahoro muri Somalia. Bivugwa ko yashyamiranye n’uwitwa Ivan Makuma Wamalile amutera icyuma mu nda, agwa mu nzira bamujyanye kwa muganga. Abari ku kiriyo na bo baje kwihorera bica uwo musirikare.

Umuvugizi wa Polisi muri ako gace Robert Tukei, yemeje ubu bwicanyi bwombi ndetse avuga ko polisi yatangiye iperereza.

Ati “Twatakaje abantu babiri muri ibyo bibazo, umwe wa UPDF n’umusivili umwe. Turimo gukora iperereza ku bibazo byombi.”

Yanavuze ko amakuru y’ibanze bamaze kubona ari uko ubwicanyi bwatewe n’ubwumvikane buke bushingiye ku nzoga.

Umuvugizi wa Diviziyo ya 3 UPDF, Capt Abert Arinaitwe, yemeje ko uyu musirikare yapfuye ndetse ko bohereje itsinda ryo gukora iperereza.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble Haguma

    Aba baturage njyewe ndabemeye ntabwo bemera kuraswa buri munsi nk’umuhigo.

    2 months ago
  • chat_bubble segitare

    Nubundi abasirikare icyo biga cya mbere ni ukwica abantu.Kuba abaturage bihoreye,nabo ni abicanyi.
    Bose nibamenye yuko imana itubuza kurwana no kwicana.Yesu yavuze ko abantu bose barwana nabo bazicwa ku munsi wa nyuma.Aho kwangana,kurwana no kwicana,imana idusaba gukundana,Nkuko yesu yavuze muli yohana 13 umurongo wa 35,abakristu nyakuri barangwa nuko bakundana.

    2 months ago
  • chat_bubble habiba

    Inda z’abagande zizabakoraho,inzoga Koko???Uganda nabasazi gusa

    2 months ago

Inzindi nkuru

Minisitiri w’intebe wa RDC agiye gushyiraho guverinoma nshya itegerejwe na...

Minisitiri w’Intebe wa Repubulika Iharanira Demokarasi ya Congo, Ilunga...
20 August 2019 Yasuwe: 559 0

Burundi :Umurwanashyaka wa CNL yishwe abandi batandatu barakomereka

Umurwanashyaka w’ishyaka rya CNL ryashinzwe na Agayhon yaraye yishwe abandi...
19 August 2019 Yasuwe: 1414 0

Muri Uganda imodoka yaturitse hapfa abantu barenga 10

Mu gitondo cyo kuri uyu wa mbere taliki 19 Kanama 2019, yatangaje ko haraye...
19 August 2019 Yasuwe: 1018 0

Umugabo uhabwa amahirwe menshi yo gusimbura perezida Nkurunziza...

Mu gihe habura igihe gito kugira ngo amatora mu Burundi abe,benshi bakomeje...
18 August 2019 Yasuwe: 5374 1

Afghanistan: Umwiyahuzi yaturikirije igisasu mu bukwe gihitana abantu 63...

Igisasu cyaturikiye mu bukwe bwaberaga i Kabul mu murwa mukuru wa...
18 August 2019 Yasuwe: 758 0

Bebe Cool yandagaje Bobi Wine na Chameleone asaba abanya Uganda...

Umuhanzi Moses Ssali uzwi Bebe Cool yavuze ko nta bushobozi bwo kuyobora...
18 August 2019 Yasuwe: 1915 0