skol
startimes

Abatuye muri Amerika ntibemerewe ku-Downloadinga porogaramu za WeChat na TikTok zakozwe n’abashinwa

Amakuru   Yanditswe na: Martin Munezero 19 September 2020 Yasuwe: 566

Minisiteri y’Ubucuruzi muri Amerika yatangaje ko kuva ku wa 20 Nzeri, abatuye muri iki gihugu batazaba bemerewe kumanura (download) porogaramu (application) zo mu Bushinwa zirimo WeChat yifashishwa mu kohererezanya ubutumwa na TikTok inyuzwaho amashusho.


Abayobozi muri Minisiteri y’Ubucuruzi batangaje ko guhagarika izi porogaramu bishobora guhagarikwa na Perezida Donald Trump mbere y’uko iki cyemezo gitangira gushyirwa mu bikorwa.

Mu ntangiriro z’ukwezi gushize, Perezida Trump yahaye iminsi mike urubuga rwa TikTok rwo kuba rwashatse ugura ibikorwa byarwo muri Amerika cyangwa rugahagarikwa.

Iteka ryasinywe n’uyu Mukuru w’Igihugu ryasabye ByteDance, sosiyete yo mu Bushinwa ifite TikTok ko mu minsi 90 izafungwa mu gihe ibikorwa byayo muri Amerika bizaba bitari mu maboko ya sosiyete y’imbere mu gihugu.

Amerika ishinja imbuga nkoranyambaga zakozwe n’Abashinwa ko zifashishwa mu bikorwa by’ubutasi na Guverinoma yabwo. Hashize igihe inzego z’umutekano muri Amerika ziri mu iperereza kuri TikTok aho ishinjwa ko itanga amakuru y’abantu bayikoresha kuri Guverinoma y’u Bushinwa mu gihe iyiyasabye.

Abayobozi bo muri Minisiteri y’Ubucuruzi muri Amerika icyakora batangaje ko batazahita bahagarika ibikorwa bya tekiniki bya TikTok kugira ngo harebwe niba ByteDance yayigura igakomeza gukurikirana ibikorwa byayo muri Amerika.

Minisitiri w’Ubucuruzi muri icyo gihugu, Wilbur Ross, yabwiye Fox Business Network, ati “Ibikorwa by’ibanze bya TikTok bizagumaho kugeza ku wa 12 Ugushyingo.’’

Iyi Minisiteri yavuze ko umwanzuro wafashwe uzabuza abakoresha izi mbuga muri Amerika kongera kuzigeraho bushya no kugabanya imikorere yazo.

Iri tegeko ariko ntirireba ibigo by’Abanyamerika bikorera ubucuruzi kuri WeChat hanze ya Amerika.

Ihagarikwa ry’izi porogaramu zijyanye n’iteka rya Trump ryo ku wa 6 Kanama riha Minisiteri y’Ubucuruzi iminsi 45 yo kugena ibikwiye guhagarikwa mu buryo bwo guhererekanya amakuru kuri izo porogaramu avuga ko ziteye inkeke umutekano wa Amerika. Igihe cyatanzwe kizarangira ku Cyumweru.

TikTok ikoreshwa n’abasaga miliyoni 100 muri Amerika, imaze kwigarurira cyane urubyiruko rwo muri iki gihugu mu gihe WeChat yo ikoreshwa n’abagera kuri miliyoni 19 buri munsi muri Amerika.

WeChat yifashishwa cyane mu banyeshuri b’Abashinwa, abimukira na bamwe mu Banyamerika bafite imiryango cyangwa bakora ubucuruzi mu Bushinwa.

WeChat ni porogaramu ibumbiye hamwe serivisi zijya gusa n’iza Facebook, WhatsApp, Instagram na Venmo. Mu Bushinwa irifashishwa cyane kuko ifite abayikoresha barenga miliyari.

Itegeko rishya rya Minisiteri y’Ubucuruzi ntirizasaba abantu gukura izo porogaramu muri telefoni zabo ahubwo abashaka kuzivugurura (update) no kuzimanura ni bo bakumiriwe.

Umwe mu bayobozi ati “Tuzibanda cyane ku bigo binini. Ntituzajya kuri buri wese.’’

Minisiteri y’Ubucuruzi ntizahana abantu bakoresha TikTok cyangwa WeChat mu gihugu.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amafoto yaciye ibintu:Reba Ibintu 6 bidasanzwe Abanya-Nigeria...

Abanya Nigeria bari mu myigaragambyo ya #EndSars ntibashobora kureka uyu...
26 October 2020 Yasuwe: 5117 0

Ishyaka rya Kabila ryigumuye kuri Perezida Felix Tshisekedi

Kuri uyu wa 22 Ukwakira 2020, ihuriro ry’amashyaka ya politiki ririmo FCC...
24 October 2020 Yasuwe: 3219 0

#CongoIsBleeding:Hashtag nshya yakuruye ibitekerezo k’ uburetwa bw’abana mu...

Ikoreshwa ry’abana bakiri bato mu birombe by’amabuye y’agaciro muri Repubulika...
24 October 2020 Yasuwe: 851 0

Abayoboke b’itorero White Tail bahisemo gusenga bambaye ubusa ngo kuko ariko...

Mu gace ka Southampton muri Leta ya Virginia, imwe mu zigize Leta Zunze...
24 October 2020 Yasuwe: 2285 2

Reba impamvu abanya-Nigeria bemeza ko Perezida wabo Buhari yapfuye mu 2017...

Hashize amezi ibihuha kwirakwizwa ku mbuga nkoranyambaga bivuga ku rupfu...
24 October 2020 Yasuwe: 9996 0

Abagenzuzi b’imiti muri Amerika bemeje burunfu remdesivir nk’umuti wa...

Abagenzuzi b’imiti muri Amerika bemeje burundu umuti urwanya virusi wa...
23 October 2020 Yasuwe: 1362 0