Nyuma y’uko Perezida w’Afurika y’Epfo, Jacob Zuma, yemerewe kuguma ku butegetsi ndetse agakomeza guhagararira ishyaka riri ku butegetsi ANC, yatangiye gusaba urukiko rwa Pretoria ko ruvano icyaha cya ruswa ndetse n’ibindi byahaba yari akurikiranweho byo kunyereza umutungo w’igihugu.
Mu cyumweru dusoje, nibwo Komite y’ishyaka rya ANC yemeje ko Perezida Zuma akomeza kuyobora igihugu nyuma y’uko bamwe mu banyapolitike bavugaga ko akwiye kurekura ubutegetsi abandi nabo bakayobora. Kuwa mbere tariki (...)

Sponsored Ad

Nyuma y’uko Perezida w’Afurika y’Epfo, Jacob Zuma, yemerewe kuguma ku butegetsi ndetse agakomeza guhagararira ishyaka riri ku butegetsi ANC, yatangiye gusaba urukiko rwa Pretoria ko ruvano icyaha cya ruswa ndetse n’ibindi byahaba yari akurikiranweho byo kunyereza umutungo w’igihugu.

Mu cyumweru dusoje, nibwo Komite y’ishyaka rya ANC yemeje ko Perezida Zuma akomeza kuyobora igihugu nyuma y’uko bamwe mu banyapolitike bavugaga ko akwiye kurekura ubutegetsi abandi nabo bakayobora.

Perezida Zuma yasabye ko urukiko rumukura ibyaha byose akurikiranweho

Kuwa mbere tariki ya 5 Ukuboza 2016, Perezida Zuma yasabye urukiko ko nimba rwaramwemereye gukomeza kuyobora Afurika y’Epfo rukwiye no kumuhanaguraho ibyabaha byose yari akurikiranyweho.

Perezida Zuma yagiye ku butegetsi muri 2009. Yagiye ahamwa n’ibyaha byinshi bitandukanye birimo kuvanga ibikorwa bya Politiki n’iby’abantu ku giti cyabo. Yashinjwe gukorana n’umuryango w’abaherwe uzwi nka Gupta, gukoresha amafaranga ya leta mu nyungu ze bwite n’ibindi.

Muri 2017 nibwo muri Afurika y’Epfo hateganyije amatora ari gutegurwa n’ishyaka rya ANC mu gihe na Perezida zuma w’imyaka 74 y’amavuko nawe ashaka kujya mu bakandinda bahatanira uwo mwanya. Kugeza ubu, ntacyo urukiko ruravuga kubyo Perezada zuma yasabye byo kumukuraho ibyaha.

Jacob Zuma winjiye muri Politike akiri muto, yinjiye mu ishyaka rya ANC mu mwaka w’1959, afite imyaka 17 gusa y’amavuko. Mu mwaka w’1963, yaje gufunganwa n’abandi 45 bashinjwa gushaka guhirika Guverinoma y’iki gihugu yari irangajwe imbere n’ubutegetsi bw’abazungu. Jacob Zuma yakatiwe imyaka 10 y’igifungo aho yari afunganywe na Nelson Mandela. Icyo gihe afunzwe, yari umusifuzi w’ikipe y’umupira w’amaguru yitwaga Makana yari igizwe n’imfungwa gusa.