addresiya
startimes

Akavure bivugwa ko Yesu/Yezu yavukiyemo kagiye gusubizwa i Betelehemu

Amakuru   Yanditswe na: Martin Munezero 1 December 2019 Yasuwe: 807

Papa Francis yategetse ko ibice by’akavure bivugwa ko ariko Yesu/Yezu yavukiyemo bigiye gusubizwa I Betelehemu nyuma y’imyaka igera ku 1400 bibitswe ku mugabane w’Uburayi I Roma.



Yategetse ko bisubizwa I Betelehemu bikuwe I Roma aho byari bibitswe muri bazilika ya Santa Maria Maggiore kuva mu kinyejana cya karindwi.

Mu rwego rwo kubihuza n’umunsi mukuru wa Noheli biteganyijwe ko bizabanza kwerekanwa I Yeruzalemu mbere y’uko bijyanwa I Betelehemu ubwo hazaba hizihizwa umunsi mukuru wa Noheli.

Amakuru dukesha ibitangazamakuru bya Vatican aravuga ko ibi bice by’akavure Yesu Christ yavukiyemo bizagumishwa mu rusengero rwa St. Catherine I Betelehemu dore ko ari naho yavukiye dukurikije ibyanditswe muri Bibiliya.

Muri 2018 Perezida wa Palesitina Mahmud Abbas yagiriye uruzinduko I Vatican aho yagiranye ibiganiro na Papa Francis akanamusaba ko aka kavure kamaze imyaka irenga 1000 I Vatican kasubizwa I Betelehemu.

Aka kavure kari karageze I Roma gatanzwe na Sophronius wayoboraga Yerusalemu bivugwa ko ari impano yari ahaye Papa Theodore wa I mu kinyejana cya karindwi bivugwa ko ari nako kafashije abakristo benshi b’ I Roma kwizera umukiza.

I Roma hahoraga abantu baturutse impande zose z’isi babaga baje kureba aka kavure k’amateka ariko n’ubundi nta kizatuma badakomeza kugasura I Betelehemu nk’uko ubuyobozi bwa Kiliziya Gatolika ku isi bubivuga.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Mparambo

    Ariko hariho abanyamakuru basetsa koko! Ngo akavure Yesu yavukiyemo!!! Birashoboka se? Utagera we ntanagereranya. Ubwo ni ko nyina Mariya yari aryamyemo ajya kumubyara? Musome muri Mariko 2:7 (..abayara umuhungu w’imfura amworosa imyenda y’impinja, amuryamisha mu muvure….)
    Ntabwo rero yavukiye mu muvure, ahubwo bawumuryamishijemo amaze kuvuka.

    December 2019

Inzindi nkuru

Umuhungu yatse mama we urukundo ararumwemerera abicishije kuri...

Umukoresha wa Facebook uzwi cyane ku izina rya Prince Max yavuze uburyo...
3 June 2020 Yasuwe: 1532 0

Umukwe na Nyirabukwe bafashwe amashusho bari gusambana ku munsi...

Muri Afurika y’Epfo ibirori bya nyuma y’bukwe bisanzwe bizwi nka After Party...
3 June 2020 Yasuwe: 4925 0

Rurageretse hagati y’u Bufaransa n’abana ba Kabuga

Rurageretse hagati y’u Bufaransa n’umuryango wa Kabuga Félicien ufatwa na Leta...
2 June 2020 Yasuwe: 8232 0

Ghana ifite abanduye Coronavirus barenga 8000, bafunguye imisigiti...

Perezida wa Ghana, Nana Akufo-Addo yatangaje iyoroshywa ry’ingamba zo...
2 June 2020 Yasuwe: 1162 1

Itorero rya satani rya mbere muri Afurika ryamaze kwiyandikisha...

Itorero rya mbere rya satani ryatangijwe muri Gashyantare 2020 ubu ryamaze...
1 June 2020 Yasuwe: 6709 2

Umuvandimwe wa wa mwirabura wishwe urupfu rw’agashinyaguro yavuze uburyo...

Philonise Floyd, umuvandimwe wa George Floyd uherutse kwicwa n’umupolisi i...
1 June 2020 Yasuwe: 5179 0