Muri Nigeria, abayobozi bo muri leta y’Amajyepfo ya Rivers basenye amahoteri abiri bayaziza kuba barenze ku mategeko yo gufunga yashyizweho mu rwego rwo kwirinda ikwirakwizwa rya coronavirus.

Sponsored Ad

Kuri iki Cyumweru, Guverineri Nyesom Wike yari ahibereye areba uko ayo mahoteri abiri, Prodest Home na Etemeteh yasenywe, abayobozi bizi hoteri bombi bakaba batawe muri yombi, nubwo murumuna w’umuyobozi wa Prodest yabwiye BBC ko hoteri yabo yakurikije amategeko yo gufunga.

N’ubwo ku mbuga nkoranyambaga benshi bakomeje kunenga icyo gikorwa, Guverineri Wike yashyigikiye iki cyemezo, avuga ko basanze hari abantu benshi banduriye mu mahoteri hirya no hino mu gihugu. Ati:

Reba igipimo cy’ubwandu, benshi muri aba bantu bagiye basangwa mu ma hoteri.

Icyakora, ntiyavuze niba ayo mahoteri yombi yasenywe yakira abantu bafite coronavirus.

Ikigo cya Nijeriya gishinzwe kurwanya indwara cyemeje ko abantu 21 bapfuye muri leta ya Rivers.

Hagati aho, i Lagos, Guverineri Babajide Sanwo-Olu yihanangirije abaturage ko ingamba zo gufunga zishobora kongera kubaho mu gihe abatuye iyi Leta inini muri iki gihugu birengagije amategeko agenga imibereho.

Nigeria kuri ubu ibarura abantu 4.399 banduye Covid-19, muri bo 778 bakaba barayikize, naho 143 bakaba bamaze guhitanwa n’iki cyorezo..