dnd

Amerika igiye kwitambika umugambi wo kwihuza kwa Facebook, Instagram na WhatsApp

Amakuru   Yanditswe na: Martin Munezero 17 December 2019 Yasuwe: 831

Nyuma y’uko umuyobozi akaba na nyiri kompanyi ya Facebook Mark Zuckerberg aguze imbuga nkoranyambaga zirimo Instagram muri 2012 na Whatsapp muri 2014 ndetse na Messenger yahise atangaza ko hagiye gushyirwaho gahunda y’uburyo porogaramu n’imikorere y’izi mbuga nkoranyambaga zose yahurizwa hamwe.



Uyu mwanzuro ntiwigeze wishimirwa na Leta Leta Zunze Ubumwe za Amerika ku buryo ubu itangaza ko igiye kuwitambika nk’uko Komisiyo ishinzwe ubucuruzi (FTC) muri iki gihugu ibitangaza ivuga ko byaba ari ukwiharira isoko ryose ry’imbuga nkoranyambaga n’ubucuruzi bwose buzikorerwaho binyuze mu kwamamaza.

FTC ivuga ko irimo gushaka uburyo yahagarika kwihuza kw’izi mbuga nkoranyambaga ubu ikaba yaratangiye gukusanya ibimenyetso izifashisha mu rukiko isobanura ko kwihuza kw’izi mbuga nkoranyambaga gushobora kubangamira ihangana ku isoko ry’ibijyanye n’imbuga nkoranyambaga nk’uko ‘The Wall Street Journal’ ibitangaza.

Komisiyo y’ubucuruzi muri Leta Zunze Ubumwe za Amerika ishinja umuherwe Mark Zuckerberg, umuyobozi wa Facebook kwitambika ihangana ku isoko kuko kompanyi iyo ariyo yose bahanganye ku isoko ahita ayigura.

Ibi bibaye nyuma y’uko muri Nyakanga uyu mwaka iyi komisiyo yari yaciye Facebook amande ya miliyari 5 z’amadolari y’Amerika kubera amakuru y’abakoresha uru rubuga yashyizwe hanze mu buryo bunyuranyije n’amategeko.

Muri Leta Zunze Ubumwe z’Amerika hamaze iminsi havugwa ibibazo bya kompanyi nini z’ikoranabuhanga nka Apple, Google, Amazon na Facebook zishinjwa kwivanga muri politiki y’iki gihugu no kugena ibigomba kuba mu bukungu bwacyo ari nacyo gituma Leta yifuza ko zagakwiye gucikamo ibice mu rwego rwo kurwanya ubwiganze bwazo ku isoko ry’ibinyanye n’ikoranabuhanga n’ubucuruzi bwo ku mbuga nkoranyambaga.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umunyamakuru wa Radio Isanganiro yafunzwe nyuma y’inkuru yatangaje

Blaise Pacal Kararumiye umunyamakuru wa Radio Isanganiro mu ntara ya Karuzi...
17 January 2020 Yasuwe: 3281 0

Igikomangoma cy’Ubwongereza Harry n’umugore we baherutse guhabwa ikaze muri...

Igikomangoma mu Bwami bw’u Bwongereza Harry ndetse n’umugore we Meghan...
17 January 2020 Yasuwe: 1319 0

Umusore ukiri muto w’imyaka 17 yavumbuye umubumbe mushya

Wolf Cukier yavumbuye umubumbe mushya agitangira kwimenyereza umwuga...
17 January 2020 Yasuwe: 1280 0

Papa Francis yahaye umugore umwanya ukomeye mu mateka ya Vatican

Umushumba wa Kiliziya Gatolika ku Isi Papa Francis yagize umugore witwa Dr....
17 January 2020 Yasuwe: 718 0

Hahishuwe igihe umugambi wo kwica Gen. Qassem Soleimani wari indwanyi...

Hashize ibyumweru hafi 2 umujenerari ukomeye wa Irani arasiwe i Bagdade...
16 January 2020 Yasuwe: 4269 0

Ingingo zose zigaragaza ibirego bya Donald Trump zo kumweguza zigiye...

Inteko ishinga amategeko ya Amerika yemeje ingingo zikubiyemo ibirego...
16 January 2020 Yasuwe: 1312 0