addresiya
startimes

Barbara Umuyobozi mu ishyaka ritavuga rumwe na Leta ya Uganda ’ANT’ yapfuye urupfu rw’amayobera

Amakuru   Yanditswe na: Martin Munezero 28 April 2020 Yasuwe: 2918

Uwari umunyamabanga ushinzwe ububanyi n’amahanga mu ishyaka Alliance for National Transformation (ANT) ritavuga rumwe n’ubutegetsi bwa Uganda, Barbara Allimadi, yasanzwe yapfiriye mu rugo rwe ruherereye i Kiwatule mu mujyi wa Kampala.



Amakuru y’urupfu rw’amayobera rwa Barbara, yemejwe na Alice Alaso uri mu bayobozi bakuru b’ishyaka ANT, mu butumwa yanyujije ku mbuga nkoranyambaga. Yagize ati:

Inkuru ibabaje, umuvandimwe Barbara Allimadi byatangajwe ko yitabye Imana. Turimo turakusanya amakuru, dufatanyije n’abantu be ba hafi.

Alaso yabwiye ChimpReports ko inkuru y’urupfu rwa Barbara yayimenyeshejwe na mubyara we, wavuze ko yageze iwe yafungura umuryango agasanga yapfiriye mu ruganiriro rw’inzu ye.

Urupfu rwe kandi rwanemejwe na musaza we witwa Milton Alimadi wamusobanuye nk’icyamamare mu guharanira Demokarasi n’ukwishyira ukizana muri Uganda. Yagize ati:

Umuryango n’inshuti, tubabajwe cyane no kubika urupfu rutunguranye rwa mushiki wacu Barbara Allimadi. Barbara yari mushiki wacu dukunda cyane. Yabaye kandi umurwanashyaka, uharanira ubutabera na demokarasi muri Uganda. Azakumburwa cyane.

Magingo aya ntiharamenyekana icyihishe inyuma y’urupfu rw’uriya mugore, gusa abatavuga rumwe n’ubutegetsi bwa Uganda barasa n’abadashira amakenga Leta y’iki gihugu, Gen. Mugisha Muntu uyobora ishyaka ANT, akaba yabwiye ChimpReports ko hari amakuru yamaze gukusanya atangaza kuri uyu wa kabiri.

Depite Robert Ssentamu uzwi nka Bobi Wine, we abinyujije ku rubuga rwe rwa Facebook yasobanuye Allimadi nk’umwe mu bari barwanye urugamba rw’ukwishyira ukizana. Yagize ati:

Hari byinshi tuzamuvugaho mu minsi iri imbere, gusa muri make Barbara yari impirimbanyi y’ukwishyira ukizana y’ukuri, n’umuvandimwe w’ukuri mu rugamba rw’ukwishyira ukizana na Demokarasi muri Uganda.

Nyakwigendera Barbara Allimadi yabanye na Rtd Gen. Mugisha Muntu mu ihuriro riharanira impinduka za Demokarasi (FDC iyobowe na Besigye), bombi barivamo muri 2018 batangiza ishyaka ANT.

Yibukirwa cyane ku kuba muri 2012 yarigaragambirije kuri station ya Polisi i Kampala yagaragaje amabere ye, yamagana itabwa muri yombi n’urugomo byari byakorewe Ngrid Turinawe babanaga muri FDC.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umuhungu yatse mama we urukundo ararumwemerera abicishije kuri...

Umukoresha wa Facebook uzwi cyane ku izina rya Prince Max yavuze uburyo...
3 June 2020 Yasuwe: 611 0

Umukwe na Nyirabukwe bafashwe amashusho bari gusambana ku munsi...

Muri Afurika y’Epfo ibirori bya nyuma y’bukwe bisanzwe bizwi nka After Party...
3 June 2020 Yasuwe: 1702 0

Rurageretse hagati y’u Bufaransa n’abana ba Kabuga

Rurageretse hagati y’u Bufaransa n’umuryango wa Kabuga Félicien ufatwa na Leta...
2 June 2020 Yasuwe: 7418 0

Ghana ifite abanduye Coronavirus barenga 8000, bafunguye imisigiti...

Perezida wa Ghana, Nana Akufo-Addo yatangaje iyoroshywa ry’ingamba zo...
2 June 2020 Yasuwe: 1115 0

Itorero rya satani rya mbere muri Afurika ryamaze kwiyandikisha...

Itorero rya mbere rya satani ryatangijwe muri Gashyantare 2020 ubu ryamaze...
1 June 2020 Yasuwe: 6535 1

Umuvandimwe wa wa mwirabura wishwe urupfu rw’agashinyaguro yavuze uburyo...

Philonise Floyd, umuvandimwe wa George Floyd uherutse kwicwa n’umupolisi i...
1 June 2020 Yasuwe: 4950 0