startimes

Bimwe mu bihugu by’I Burayi byazahajwe na coronavirus bigiye koroshya gahunda ya Guma mu rugo

Amakuru   Yanditswe na: Martin Munezero 27 April 2020 Yasuwe: 966

Ubufaransa, Espagne n’Ubutaliyani bari kwitegura uko bakoroshya amabwiriza yo gukumira coronavirusi, ni mu gihe ibindi bihugu bitegereje ngo birebe uko ibi bihugu byazahajwe bikomeye na Covid-19 bizasubira mu buzima busanzwe, bibe byabyigiraho.



Nyuma ya Leta Zunze Ubumwe za America, aho abamaze kwandura barenga miliyoni, abamaze gupfa na bo bakaba barenga 53,000, ibi bihugu ni byo bikurikiraho mu kugira umubare munini w’abanduye Covid-19 benshi nkuko bitangazwa na kaminuza ya John’s Hopkins.

Ku isi yose abamaze guhitanwa na coronavirusi barenga 200,000 mu gihe miliyoni 2.9 ari bo bamaze kwandura, imibare yiyongera mu bihugu bimwe ariko ikanagabanyuka mu bindi kubera ingamba zafashwe zirimo kuguma mu rugo.

Umwanzuro wo gusubira mu buzima busanzwe bizajya biterwa n’uko igihugu kiteguye kwita ku buzima bw’abantu bari gukora.

Ubutaliyani, igihugu cya mbere mu Burayi cyatangije gahunda yo kuguma mu rugo, kikaba kinafite umubare w’abagera ku 200,000 bamaze kwandura na 26,384 bamaze gupfa, cyavuze ko kuwa 4 Gicurasi inganda zizasubukura gukora, nkuko bitangazwa na Minisitiri w’Intebe Guiseppe Conte.

Guiseppe ariko yavuze ko amashuri yo atazafungura kugeza mu kwezi kwa cyenda. Ingamba zindi zazatangazwa mu cyumweru gitaha nkuko yabibwiye Italian daily La Repubblica.

Mu Bufaransa ho Minisitiri w’Intebe Édouard Philippe yavuze ko kuwa Kabiri azatangariza inteko ishinga amategeko ingamba zo gusubira mu buzima busanzwe, ubundi bashyireho n’amabwiriza mashashya.

Mu bishobora gufungurwa mbere mu Bufaransa, harimo amashuri, inganda, ubwikorezi, gutanga udupfukamunwa n’imiti y’isuku no gufasha abageze mu zabukuru.

Mu gihugu cya Espagne na ho batangiye gutegura ingamba zerekeye gusubira mu buzima busanzwe kuko bigaragara ko imibare y’abapfa iri kugabanyuka.

Kugeza ubu abana bari munsi y’imyaka 14 ni bo bari berewe gusohoka kuva mu kwezi kwa gatatu, ariko ubu nkuko byatangajwe na Minisitiri w’Intebe Pedro Sánchez, n’abakuze mu cyumweru gitaha baraba bemerewe gusohoka.

Ibindi bihugu byo mu Burayi birimo Ububiligi Ubugereki na Malta na byo byatangiye koroshya gahunda zo kuguma mu rugo.

N’ahandi henshi ubu abaturage bari gusaba gusubira mu buzima busanzwe, nko mu Budage abaturage benshi bafunzwe kuwa gatandatu bazira kwigaragambya bamagana gahunda yo kuguma mu rugo.

Nubwo ibi bihugu bishaka koroshya gahunda zo kuguma mu rugo ariko, umuhanga mu ndwara z’ibyorezo wo muri Hong Kong yaburiye ibihugu byo mu Burayi avuga ko bigomba kwitondera koroshya izo ngamba, avuga ko bagomba kubanza guhashya umubare w’abandura.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Hoteli ya mbere ku Isi isize Zahabu imbere n’inyuma yafunguwe

Muri Vietnam hafunguwe Hoteli ya mbere ku Isi isize zahabu (gold-plated)...
6 July 2020 Yasuwe: 1832 0

Umugore wari umaze imyaka 9 yarabuze urubyaro hari hashize iminsi 26 abyaye...

Umugore wari umaze imyaka 9 yarabuze urubyaro, nyuma y’iminsi 26 abyaye...
3 July 2020 Yasuwe: 4270 0

Igihugu cya Uganda cyapfushije Abajenerali 2 ku munsi umwe biyongera ku...

Mu gitondo cyo kuri uyu wa Kane taliki ya 02 Nyakanga 2020, igisirikare cya...
3 July 2020 Yasuwe: 1461 0

Umugabo yishwe na coronavirus nyuma yo kwanduza abarenga 100 mu bukwe...

Mu gihugu cy’Ubuhinde, umugabo w’imyaka 30 wagaragazaga ibimenyetso bya...
3 July 2020 Yasuwe: 1003 0

Uwahoze ari Madamu wa Mbere wa Lesotho yarekuwe ku ngwate mu rubanza...

Kuri uyu wa Mbere taliki ya 29 Kamena 2020, uwahoze ari umudamu wa mbere...
1 July 2020 Yasuwe: 689 0

Minisitiri wa mbere ukomoka mu bwoko bw’Abatwa yinjiye muri Guverinoma y’u...

Ihuriro ry’Abatwa bo mu gihugu cy’u Burundi kikigendera ku moko y’Abakoloni,...
29 June 2020 Yasuwe: 6931 1