startimes

Biravugwa:Umunyamakuru wa Radio/TV1 wari waraburiwe irengero yakubitiwe mu Burundi n’abo mu mutwe w’Imbonerakure bamumena ijisho[AMAFOTO]

Amakuru   Yanditswe na: Martin Munezero 6 November 2019 Yasuwe: 5777

Amakuru avuga ko umunyamakuru wa Radio/TV1 wavuzweho kuburirwa irengero yakubiswe n’abo mu mutwe w’Imbonerakure mu Burundi, akamenwa ijisho ry’iburyo.


Sponsored Ad


Inkuru zanditswe mbere kuri uyu munyamakuru zavugaga ko yaburiwe irengero yari aho yakoreraga mu karere ka Gicumbi mu ntara y’Amajyaruguru, nyuma haza andi makuru avuga ko ari muri Uganda.

Ubutumwa bwakirakwiye ku mbuga nkoranyambaga bwasembuwe n’ubwabanje buturutse ku muntu wiyise Sondo Imbonerakure kuri Facebook.

Sondo Imbonerakure wometse ifoto ya Tuyishimire yakubiswe ku butumwa yashyize kuri uru rubuga, yavuze ko hari insoresore ziri kuva mu mahanga zikavogera u Burundi, bityo zikaba zikwiriye gushyirwa ku murongo.

Uyu mukwabu wakozwe mu gicuku cyo kuri uyu wa 5 Ugushyingo wahigaga abanyamahanga byavuzwe ko binjiye mu Ntara ya Cibitoke mu mugi wa Rugombo. Muri uyu mukwabu hafashwemo abarenga 80.

Tuyishimire avugwaho kuba yarinjiye mu mutwe urwanya ubutegetsi bw’u Rwanda wa P5. Ngo yakubiswe n’Imbonerakure ubwo yambukaga ajya ku birindiro by’uyu mutwe i Minembwe muri Repubulika Iharanira Demukarasi ya Congo.

Ubwo hari hashize iminsi ibiri Tuyishimire abuze, Radio/TV1 yandikiye Urwego rw’Igihugu rw’Ubugenzacyaha, Polisi y’u Rwanda, Minisiteri y’Ubutegetsi bw’Igihugu, Ikigo cy’Igihugu cy’Imiyoborere ndetse n’Urwego rw’Itangazamakuru rwigenzura ibicishije kuri Twitter, ibabwira ko yo n’umuryango we bababajwe n’ibura rye.

“Umunsi ubaye uwa kabiri Tuyishimire Constantin, umunyamakuru wa RadioTV1/Radio1 aburiwe irengero. Umuryango we, abo bakorana ndetse n’igitangazamakuru akorera bahangayikishijwe no kuba batazi aho aharereye.” TV1 Rwanda.

Kuri 23 Nyakanga, Urwego rw’Igihugu rw’Ubugenzacyaha rwamenyesheje TV1/Radio 1 n’umuryango ko uyu munyamakuru ashobora kuba aherereye muri Uganda.

Tariki ya 16 Nyakanga 2016 ni bwo Constantin Tuyishimire yaburiwe irengero, umuryango we usaba uwamenya aho aherereye kuwumenyesha.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble sezikeye

    Iyo ushatse gukora ibyo Imana itubuza,nta kabuza ugira ibibazo.Ndebera ukuntu bamumennye ijisho.Wibuke ukuntu Major Mudathiru bamushwanyaguje ukuguru.War is not the solution to mankind problems.Imana ntabwo yaturemeye kurwana,ahubwo yaturemeye gukundana.Ikindi kandi,abanyarwanda turi abavandimwe.Abashaka intambara,ni ukubera inyungu zabo gusa:Ibyubahiro n’amafaranga.Ariko babigeraho habanje gupfa abantu benshi cyane.Nyamara bakitwaza "akarimi keza",ngo baje kubohora igihugu.Niko inyeshyamba zose zivuga.Umukristu nyakuri,abima amatwi,akanga kubarwanirira.Nkuko Zaburi 5 umurongo wa 6 havuga,Imana yanga abantu bose bamena amaraso y’abandi.Intwaro y’abakristu nyakuri ni Bible.Bayirwanisha bajya mu nzira bakabwiriza abantu gukundana no gushaka Imana,kugirango izaduhe ubuzima bw’iteka muli paradizo.Ariko abakora ibyo itubuza,urugero abarwana,Bible ivuga ko batazaba muli paradizo.Bisobanura ko batazazuka ku munsi wa nyuma wegereje.

    November 2019
  • chat_bubble Mahoro

    niba imbonerakure zitangiye kukubita abajya mumitwe irwanya reta y’urwanda byaba ari sawa kabisa.

    November 2019

Inzindi nkuru

Abapolisi 4 bafashwe amashusho bari gukubita bikomeye umugore uhagarariye...

Igipolisi cya Kenya kivuga ko hatangiye iperereza ku mashusho yafashwe kuwa...
30 July 2020 Yasuwe: 2424 0

Yiguriye imodoka yo mu bwoko bwa Lamborghini muri Miliyari 4 z’amafaranga...

Umugabo witwa David T Hines w’imyaka 29 y’amavuko arashinjwa kwiba asaga...
30 July 2020 Yasuwe: 3841 0

Ubu imbwa zishobora kumenya ko umuntu yanduye coronavirus ku kigero cya 94...

Ubushakashatsi wayobowe na kaminuza y’ubuvuzi bw’amatungo i Hanover mu...
30 July 2020 Yasuwe: 854 0

Perezida Kaguta Yoweri Museveni yemerewe kongera kwiyamamariza kuyobora...

Ishyaka NRM riri ku butegetsi muri Uganda rimaze kwemeza ko umukuru waryo...
29 July 2020 Yasuwe: 660 0

Indege yari itwaye intumwa za Uhuru mu muhango wo gushyingura Mkapa...

Kuri uyu wa kabiri tariki 28 Nyakanga, mu bintu bidasobanutse, indege yari...
29 July 2020 Yasuwe: 11141 0

Umugabo watwitse ibibero n’ibice by’ibanga by’umukobwa we ari gushakishwa...

Abapolisi bo mu Ntara ya Bungoma, muri Kenya barimo gushakisha umugabo...
29 July 2020 Yasuwe: 1486 0