startimes
startimes

Bobi Wine yibasiye bikomeye Perezida Museveni wamwise umwanzi wa Uganda

Amakuru   Yanditswe na: Martin Munezero 19 October 2019 Yasuwe: 1860

Bobi Wine utavuga rumwe n’ubutegetsi bwa Uganda yasubije Perezida Yoweri Museveni wa Uganda wamwise "umwanzi w’iterambere", mu kiganiro cyihariye perezida Museveni yagiranye na BBC.


Sponsored Ad


Robert Kyagulanyi wamamaye nka Bobi Wine w’imyaka 37,mu kwezi kwa karindwi uyu mwaka yavuze ko azahatana na perezida Museveni w’imyaka 75, mu matora ya perezida yo mu mwaka wa 2021.Perezida wa Uganda ari ku butegetsi guhera mu mwaka wa 1986.

Mu butumwa yatangaje ku rubuga nkoranyambaga rwa Twitter ku munsi w’ejo ku wa gatanu, Bobi Wine yise Perezida Museveni "umwanzi wa Uganda" utegekesha "umunwa w’imbunda".

Yagize ati "Museveni uravuga ngo ndi umwanzi w’iterambere rya Uganda!,Perezida izina ryawe rya mbere ni ruswa,irya kabiri umubeshyi,irya gatatu umunyagitugu.Igihugu cyacu wagisubije inyuma,wishe abaturage bacu,usenya ibigo,udutegekesha umunwa w’imbunda.Uri umwanzi wa Uganda!".

Mu kiganiro cyihariye yagiranye na BBC,perezida Museveni yavuze ko uwo muhanzi akaba na depite muri Uganda yavugiye mu rugendo yagiriye muri Amerika ko "abantu badakwiye kuza gushora imari muri Uganda".

Ariko ishyaka People Power rya Bobi Wine ryavuze ko Bwana Museveni agomba kuba yavuze ibyo arimo kurota Bobi Wine, kuko rivuga ko umukuru waryo atigeze avuga ayo magambo.

Itangazo ry’ishyaka People Power rivuga ko Perezida Museveni agomba kuba yari arimo kuvuga ku kiganiro umukuru waryo yagiranye na televiziyo Al Jazeera mu kwezi kwa cyenda mu 2018.

Icyo gihe rivuga ko Bobi Wine yavuze ko Abanyamerika bakwiye kugira amakenga ku nkunga ya gisirikare baha Uganda kuko "idakoreshwa mu kurinda Abanya-Uganda".


Ubutumwa Bobi Wine yageneye Museveni

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble gasarasi

    Umwanditsi w’umufaransa witwaga Corneille,yaravuze ati:"Je plains ta jeunesse".Bisobanura ngo "Mbabajwe n’ubusore bwawe".Bobi Wine yibuke ibyo Museveni yakoreye Colonel Kiiza Besigye,amufunga buri munsi.Nawe niko azamugenza.Yibuke ko mu bihugu byinshi bya Africa hategeka ufite imbunda.Byaba byiza yikomereje "umuziki" nkuko M7 yamubwiye. Bityo akiberaho mu mahoro.Politike nubwo ikiza benshi,iteza ibibazo bikomeye,ndetse benshi bakayigwamo.Ndabona ari umukristu yitwa Robert.Yesu yadusabye kuba abanyamahoro,aho guhangana.Adusaba gushaka ubwami bw’imana kugirango tuzabone ubuzima bw’iteka muli paradizo.Ikibazo nuko ari bake bumvira inama ze.Bakibwira ko ubuzima gusa ari ukwijandika mu byisi:Shuguri,Politike,Kwinezeza,etc...

    October 2019

Inzindi nkuru

Umugore yaguye gitumo umugabo we aryamanye n’umukobwa we

Umugore wamaze gutandukana n’umugabo we yamenyesheje polisi ko yaguye gitumo...
8 August 2020 Yasuwe: 4811 0

Congo:Urugo rwa Moise Katumbi rwarashweho amasasu

Ishyaka ‘Ensemble’ ribarizwamo Moise Katumbi riravuga ko urugo rwa Perezida...
8 August 2020 Yasuwe: 2334 0

Umugabo wahinduye ikamyoneti ye urugo, ayubakamo ibyumba bitatu yateje...

Umugabo wo muri Ethiopia witwa Abinet Tadesse, yubatse inzu mu ikamyoneti...
8 August 2020 Yasuwe: 5439 0

Mu ishyamba rya Kibira habonetse indi mirambo y’abantu 12 bakekwaho kuba...

Mu ishyamba rya Kibira, ahaherera mu giturage cya Gafumbegeti muri Komine...
8 August 2020 Yasuwe: 3958 0

Umugabo n’umugore bamaze igihe bacana inyuma rwihishwa bahuriye muri Lodge...

Mugihe abantu benshi bahangayikishijwe ningaruka za covid19, abantu bamwe...
8 August 2020 Yasuwe: 4091 0

Umupolisi ari mu mazi abira nyuma yo gufata abakobwa babiri bari munsi...

Umupolisi wo muri Kenya ari mu mazi abira nyuma yo gufata abakobwa babiri...
8 August 2020 Yasuwe: 2560 0