Burundi:Abaturage barinubira ihagarikwa ry’urubuga rwa You Tube mu gihe cya weekend

Amakuru   Yanditswe na: Martin Munezero 16 December 2019 Yasuwe: 540

Abantu banyuranye mu Burundi baravuga ko bababajwe no kuba Urubuga rushyirwaho amashusho rwa YouTube kuva kuwa gatanu ushize kugeza mu gitondo kuri uyu wa mbere rutafungukaga.



Ku mbuga nkoranyambaga hari ukwinuba kugaragara kw’abakoresha YouTube bavuga ko batashoboraga kuyifungura.

Melchior Manirakiza w’i Ngozi yabwiye BBC dukesha iyi nkuru ko yabanje kubyumvana abandi kuwa gatanu nijoro, nawe yagerageza ntifunguke, agatekereza ko ari ikibazo gisanzwe cyabaga kuri bamwe na bamwe.

Manirakiza ati: “Kugeza ejo [ku cyumweru] byarabonekaga ko ari hose mu gihugu, abantu benshi bari kwibaza ko yaba yafunzwe, ntabwo tuzi ibiri kuba”.



Abakoresha uru rubuga mu Burundi batangaje ko mu gitondo uyu munsi ari bwo YouTube yongeye kubasha gufunguka mu gihugu.

Urwego rwa leta rushinzwe kugenzura iby’ikoranabuhanga (Agence de Régulation de Communication et des Télécommunications) ntacyo rwatangaje kuri iki kibazo.

Félicité Muganwa, umunyeshuri muri kaminuza mu Bujumbura wari wananiwe gufungura YouTube muri weekend yabyatangaje ko yizeye ko ibi bitazasubira kuko uru rubuga aruvanaho byinshi.



Leta y’u Burundi iheruka kwamagana imbuga zimwe zikorera kuri YouTube ivuga ko zikorera mu Rwanda zigacishwaho amakuru avuga ibitari ukuri mu Burundi.

YouTube ni urubuga rwa kabiri rusurwa cyane ku isi nyuma ya Google nk’uko bivugwa n’urubuga rw’ubushakashatsi kuri internet Wearesocial.

Ni urubuga rwa kabiri kandi rusurwa cyane mu Burundi nyuma ya Google nk’uko bigaragazwa na Alexa, urundi rubuga rw’ubushakashatsi ku basura internet ku isi.

YouTube ishyirwaho amashusho ajyanye n’imyidagaduro, imikino, politiki, ubuzima, amakuru n’ibindi byinshi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Covid-19:Pasiteri Natacha yafashe amafaranga yose yarari kuri Konte...

Rev. Lucy Natasha ni umuvugabutumwa wo mugihugu cya Kenya, aracyari...
5 April 2020 Yasuwe: 2885 0

Covid-19:Abarenga 160 batawe muri yombi bazira kwica itegeko rya Parezida...

Polisi ya Uganda yataye muri yombi abantu barenga 160 ivuga ko barenze ku...
4 April 2020 Yasuwe: 1560 0

Pasiteri ari gukorwaho iperereza kubera amavuta yakoze yemeza ko umuntu...

Umupasiteri ukomoka.mu hihugu cya Kenya uba mu Bwongereza ari gukorwaho...
4 April 2020 Yasuwe: 2518 0

Covid-19:Abantu 2 mu Burundi bishwe bazira gutoroka akato

Mu ijoro ryo kuwa Kabiri rishyira kuwa Gatatu, itariki 01 Mata 2020,...
3 April 2020 Yasuwe: 3431 0

Covid-19:Bamwe mu baturage bo mu Buhinde bahisemo kwituranira n’inyoni...

Abaturage 7 bo mu Buhindi bakoze agashya katunguye benshi ubwo bafataga...
3 April 2020 Yasuwe: 3158 1

Covid-19:Muri Amerika imbunda nizo ziri kugurwa ku bwinshi

Biragaragara ko muri iyi minsiAbanyamerika batari kugura ibiryo n’impapuro...
2 April 2020 Yasuwe: 5116 0