skol
startimes

Burundi: Umutwe w’inyeshyamba wa Red-Tabara watamaje Perezida Evariste Ndayishimiye

Amakuru   Yanditswe na: Martin Munezero 26 September 2020 Yasuwe: 4484

Nyuma gato y’uko Perezida w’u Burundi, Gen. Maj. Evariste Ndayishimiye atangaje ko nta mitwe yitwaje intwaro ijya itera u Burundi, Umutwe wa Red-Tabara urwanya ubutegetsi bw’iki gihugu wamutamaje uvuga ko wishe abasirikare babiri unakomeretsa batatu.


Kuri uyu wa Gatanu tariki 25 Nzeri 2020, ubwo Perezida Ndayishimiye yaganiraga n’itangazamakuru ry’i Burundi ndetse n’abaturage b’icyo gihugu, yavuze ko u Burundi butugarijwe n’abitwaje intwaro ngo kuko iyo baba bahari aba yarahuye na bo akababona. Yagize ati:

Iyo uteye igihugu uravuga uti nafashe Komini iyi niyi. None mwari mwumva hari Komini n’imwe bafashe?

Perezida Ndayishimiye yavuze ko abo biyita abarwanyi baza bakica abaturage ari abagizi ba nabi, ngo kuko nta wavuga ko u Burundi buterwa kandi abategetsi babwo n’abashinzwe umutekano batari mu kaga. Yashimangiye ko u Burundi ari nyabagendwa agira ati:

Igitero ku gihugu gitangirira ku bategetsi bakomeye. Nta kibazo mfite, nkorera ingendo mu gihugu hose kandi nyura n’ahantu abitwaje intwaro byavuzwe ko baba. Murazi amasaha naviriye i Kigoma. Ko ntabo twahuye? Ejo navuye i Bujumbura nijoro nza i Gitega, ko ntabo nabonye kandi bivugwa ko bahaba? Ni gute wavuga ko igihugu giterwa kandi inzego z’umutekano zitari mu kaga?

Nyuma y’amasaha atarenze atatu Perezida Ndayishimiye avuze ko inzego z’umutekano z’u Burundi zitari mu kaga, umutwe wa Red-Tabara wahise wigamba kwica abasirikare babiri b’u Burundi unakomeretsa abandi batatu, mu mirwano yasakiranyije impande zombi mu have ka Kabarore gaherereye muri Zone Muruta ho mu ntara ya Kayanza.

Ni imirwano yabaye ku munsi w’ejo. Red Tabara ibinyujije kuri Twitter yayo yagize iti:

Abasirikare babiri ba FDNB (Igisirikare cy’u Burundi) bishwe abandi batatu barakomereka, nk’ingaruka y’imirwano yahuje umutwe wa -Red Tabara n’Igisirikare cy’u Burundi kuri uyu wa Kane. Abarwanyi bacu bakozanyirijeho n’abasirikare ku mupaka wa Kabarore, i Mutura mu Kayanza.

Igitero cyo ku munsi w’ejo gikurikira ibindi byinshi Red-Tabara yagiye igaba mu Kayanza no mu ntara ya Rumonge kuva muri Kanama.

Red-Tabara ishinja Leta y’u Burundi ubwicanyi bukorerwa abiganjemo abatavuga rumwe na yo, ifungwa rya hato na hato, iyicarubozo, gufata ku ngufu n’ibindi byaha bihonyoza uburenganzira bwa muntu.

Uyu mutwe unashinja Leta ya Gitega guhungabanya akarere, uvuga ko icyo ugamije ari ukubera Abarundi akaboko ka gisirikare; mu rwego rwo kubarinda abicanyi, igitugu, ubukoroni n’ivanguramoko, igasaba imiryango mpuzamahanga gutanga ubufasha kugira ngo Abarundi babone amahoro arambye.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umugore yakangutse abona umupasiteri ari kumunyaraho ubwo bari mu...

Mu ijoro ryo ku wa mbere taliki ya 12 Ukwakira2020, nyuma y’urugendo...
21 October 2020 Yasuwe: 590 0

Reba inkuru y’ukuntu umuhanga w’Umudage yakoresheje ubukoloni bwa Afurika nka...

Hakozwe byinshi mu kwiga amateka ya politiki y’ukuntu imishinga y’Uburayi bwo...
21 October 2020 Yasuwe: 234 0

Abasore 2 b’imyaka 35 bahindutse abaherwe muri afurika mugihe gito nyuma yo...

Abasore babiri bo mugihugu cya Nigeria bahindutse abaherwe mugihe gito...
19 October 2020 Yasuwe: 7493 0

Congo:Igitero cy’inyeshyamba za FPIC cyasize abaturage benshi bicishijwe...

Mu ijoro ryo ku wa Gatanu, tariki ya 16 Ukwakira rishyira ku wa Gatandatu,...
19 October 2020 Yasuwe: 1334 0

Abantu batunguwe no kubona umukobwa w’ikizungerezi aza gusura umusore...

Mu gihugu cya Kenya, amafoto y’umusore ukora umwuga w’ubukanishi n’umukunzi...
18 October 2020 Yasuwe: 28755 2

Mu Bufaransa hashyizweho isaha yo gutaha nijoro i Paris n’indi mijyi 8...

Mu gihe umubare w’abandura Coronavirusi ukomeje kwiyongera mu Bufaransa,...
17 October 2020 Yasuwe: 1301 0