skol
startimes

Burundi: Umwarimu yakubise umunyeshuli bimuviramo urupfu

Amakuru   Yanditswe na: Dusingizimana Remy 30 October 2019 Yasuwe: 2033

Umunyeshuli witwa Chadia Nishimwe, wigaga mu mashuri abanza kuri Ecofo Carama III mu gace ka Kinama i Bujumbura, ejo kuwa kabiri yakubiswe na mwalimu we ahita apfa nk’uko bivugwa n’umubyeyi we.


Nishimwe w’imyaka 14 yigaga mu mwaka wa gatanu ubanza, umubyeyi we Jean Marie Misago avuga ko nyuma yo gukubitwa na mwalimu we byamuviriyemo gupfa kandi agapfira aho mu ishuri.

Se w’uyu mwana avuga ko amaze gukubitwa atongeye kunyeganyega, kandi aho kumujyana kwa muganga bamujyanye mu biro bya ’directrice’ w’ishuri.

Bwana Misago agira ati: "Mu ishuri niho yacikaniye, bahita bamujyana mu biro kwa ’directrice’ nawe abonye biteye ubwoba ashaka uko umwana bamugeza kwa muganga ariko bajanye ikiziga cyamaze gupfa.

Njyewe nageze kwa muganga, muganga arambwira ati ’mutama, nta n’amafaranga atanu tukwatse kuko batuzaniye uwapfuye. Ahubwo reba uko mumutwara’".

Umuvugizi wa polisi mu Burundi ntacyo yabwiye BBC ku rupfu rw’uyu munyeshuri.

Bimwe mu binyamakuru mu Burundi biravuga ko umuyobozi w’iri shuri yahise afungwa naho kugeza ubu umwarimukazi wakubise uyu mwana we yarabuze.

Bwana Misago yabwiye BBC ko Chadia Nishimwe nta ndwara yari asanzwe arwara, ahakana ibivugwa ko yishwe n’igicuri cyamufashe amaze gukubitwa.

Ati: "Yarakubiswe cyane, amaraso yaguma aca mu mazuru no mu matwi kandi imiraba yaraboneka bariko baramwoza kubera yakubiswe inkoni nyinshi.

Urashobora gukubita, ugakubita umwana nka kurya kw’inka? ugakubita umutsi wo ku ijosi! Abana barabivuze kandi abana ntibashobora kubeshyera umwarimu wabo".

Bwana Misago avuga ko gukubita abana ku ishuri ari ikibazo kuko bivamo ibyago nk’ibi aho "umubyeyi yohereza umwana ku ishuri bakamuzanira umurambo".

Misago avuga ko we n’umuryango we bifuza ubutabera, kandi ko uwo mwarimu yakwigaragaza akabazwa ibyo yakoze ntihakomeze gufungwa abatarakoze icyaha.

Gukubita abanyeshuri bigamije guhana ni igikorwa kitavugwaho rumwe mu burezi mu bihugu byinshi muri Africa. Mu Burundi ibihano nk’ibi ntabwo byemewe.

Muri uku kwezi, Perezida John Pombe Magufuli wa Tanzania yashimye abategetsi bahanishije abanyeshuri kubakubita kubera amakosa bari bakoze.

Ishami ry’umuryango w’abibumbye ryita ku bana UNICEF rivuga ko mu bihugu byinshi, abana 2 kuri 3 bahanwa n’abashinzwe kubarera mu buryo bubabaje.

UNICEF ivuga ko uburyo bwose bubabaza umubiri cyangwa imitekerereze y’umwana bugamije kumubuza imico abamurera badashaka ari bubi kandi bubangamiye uburenganzira bw’umwana.

Chadia Nishimwe yahise ahambwa ejo nimugoroba, nta suzuma ryimbitse ryakozwe ku murambo we.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble hitimana

    ABANA bicwa ku bwinshi ku isi hose UNICEF irebera.Ibihumbi n’ibihumbi by’Abana barishwe mu ntambara nyinshi zabaye ku isi.Abantu bose bakora ibyo imana itubuza,bazakurwa mu isi ku munsi wa nyuma nkuko Imigani 2:21,22 havuga.Nibwo isi izagira amahoro n’abana barimo.Nubwo abantu benshi batabizi,isi izaba paradizo,ku buryo abantu bazajya bakina n’intare,inzoka zitabarya.Byisomere muli Yesaya 11:6-8.

    October 2019

Inzindi nkuru

Igitero cya Maï-Maï Bakata-Katanga cyahitanye benshi i Lubumbashi gikomeje...

Nyuma y’igitero cy’inyeshyamba za Maï-Maï Bakata-Katanga, benshi mu Bakongomani...
29 September 2020 Yasuwe: 615 0

Burundi: Umutwe w’inyeshyamba wa Red-Tabara watamaje Perezida Evariste...

Nyuma gato y’uko Perezida w’u Burundi, Gen. Maj. Evariste Ndayishimiye...
26 September 2020 Yasuwe: 4263 0

Pasiteri Sergei uvuga ko ari Yesu Kirisitu wagarutse mu Isi yatawe muri...

Mu gihugu cy’Uburusiya, Pasiteri Sergei Torop uvuga ko ari Yesu Krisitu...
25 September 2020 Yasuwe: 1612 0

Abagande bari bashyizwe ku rutonde rw’abagombaga gucyurwa banze kuva mu...

Abagande 114 mu bari mu baheze mu Rwanda kubera icyorezo cya Covid-19,...
25 September 2020 Yasuwe: 1679 0

Congo:Radio RPE yafunze imiryango kubera iterabwoba ryinshi ry’inyeshyamba

Guhera ku wa Gatandatu ushize, Radio RPE (Radio du Peuple pour son...
23 September 2020 Yasuwe: 478 0

Urubanza rwa Paul Rusesabagina ruzakurikiranwa n’ikigo cy’Abavoka...

Ikigo cy’Abavoka b’Abanyamerika baharanira Uburenganzira bwa Muntu cyatangaje...
23 September 2020 Yasuwe: 1139 1