Umunyeshuri witwa Chadia Nishimwe yapfuye kubera inkoni yakubiswe n’umwarimu we mu Mujyi wa Bujumbura. Inkoni zatumye abura ubuzima akaba yazikubiswe mu mugongo no mu bitugu.

Sponsored Ad

Nk’uko bitangazwa n’ibinyamakuru bitandukanye,ngo uyu munyeshuri yakubitiwe muri zone ya Kinama ku ishuri ryo muri karitiye ya Carama. Ubuyobozi bw’iryo shuri bukaba bwatangaje ko uwo mwana yari afite ubundi burwayi bw’igicuri.

Abiganaga n’uyu munyeshuri kimwe n’umuryango we basaba ko uwamwishe yafatwa agashyikirizwa ubutabera.

Ikinyamakuru Ubm News gitangaza ko byamenyekanye ko uwo mwarimu witwa Lodie Nitereka yamaze guhunga maze umuyobozi w’iryo shuri akaba ariwe utabwa muri yombi akaba ari mu maboko y’inzego z’umutekano.

N’ubwo ingeso yo guhana abanyeshuri babakubise mu Burundi igihari, bamwe barabinenga bagasaba inzego bireba kubica burundu.