skol
startimes

Congo:Igitero cy’inyeshyamba za FPIC cyasize abaturage benshi bicishijwe ibyuma n’imihoro

Amakuru   Yanditswe na: Martin Munezero 19 October 2020 Yasuwe: 1427

Mu ijoro ryo ku wa Gatanu, tariki ya 16 Ukwakira rishyira ku wa Gatandatu, itariki ya 17 Ukwakira 2020, mu midugudu ibiri yo muri Sheferi ya Mobala muri Teritwari ya Irumu, Intara ya Ituri, muri Kivu y’Amajayaruguru, abantu bitwaje intwaro bivugwa ko ari abo mu mutwe wa FPIC (Force patriotique pour l’intégration du Congo) bagabye igitero bica abantu benshi.


Nk’uko byatangajwe na Jean-Pierre Lemabo, umuyobozi w’iyi sheferi, ngo abantu 10 bose bishwe n’imipanga mu midugudu ya Mayanza na Batibi muri Irumu. Ati:

Twabwiwe ko hari imiryango ibiri yicishijwe imihoro n’ibyuma. Umuryango wa mbere ugizwe n’abantu 6 n’uwa kabiri 5. Umwana w’umuryango wa mbere yakomeretse bikabije hanyuma ajyanwa mu kigo nderabuzima cyaho. Kugeza ubu rero, ni abantu 10 bapfuye undi 1 arakomereka.

Inkuru dukesha 7SUR7.CD ikomeza ivuga imirambo y’abahohotewe yashyizwe imbere y’ibiro by’ubuyobozi bwa Teritwari ya Irumu, aho mu guhangana n’iki kibazo, Jean-Pierre Lemabo arasaba ko gahunda z’umutekano zashimangirwa muri aka karere.

Ku ruhande rwe, Adjio Gidi, minisitiri w’intara wa Ituri ushinzwe ubutegetsi bw’ igihugu, we avuga ko abantu 5 bishwe undi agakomereka bikabije. Ati:

Dukurikije amakuru dufite, kugeza ubu, twabonye ko hapfuye abantu 5, umwana muto yarakomeretse. Habaye ubushyamirane hagati y’abaturage b’Aba-Bira n’Aba- Hema batuye muri kariya gace ka Ituri.

Iyicwa ry’abo baturage ryateje impagarara nyinshi kuri uyu wa Gatandatu, itariki ya 17 Ukwakira 2020 muri Irumu no mu gace kegeranye, aho urubyiruko rwo muri ayo moko yombi rwashinze bariyeri zo gusaba amafaranga n’indangamuntu ku muntu wese unyura mu Muhanda numero 27 (RN27) wambukiranya kariya karere.

Biravugwa ko hashize amezi kandi hagaragara umwuka mubi hagati y’aya moko y’Aba-Bira n’Aba-Hem muri iyi teritwari ya Irumu.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Boko Haram yasohoye Videwo nshya yigamba ko ari yo yishe abahinzi bagera...

Umutwe wa Boko Haram w’intagondwa ziyitirira Isilamu wasohoye videwo nshya...
2 December 2020 Yasuwe: 772 0

Burundi:Indaya yandagaje umuyobozi w’umugore ibinyujije mu ibaruwa...

Indaya yitwa Riziki Shurweryimana ibarizwa muri Komini ya Mutumba mu Ntara...
1 December 2020 Yasuwe: 3371 0

Ibintu 7 utazi ku muherwe w’umushinwa Jck Ma wafungiwe mu nzu iminsi 2...

Jack Ma, cyangwa Ma Yun yavutse ku ya 10 Nzeri 1964 i Hangzhou, Zhejiang,...
1 December 2020 Yasuwe: 1842 1

Barack Obama yahishuye impamvu ituma atinya umugore we n’umwana wabo muto...

Barack Obama wabaye Perezida wa 44 wa Leta Zunze Ubumwe za Amerika n’umugore...
30 November 2020 Yasuwe: 7448 0

Aba Karidinali 13 baherewe umugisha i Vatican na Nyirubutange Papa harimo...

Nyuma yo kwimikwa bakaba aba ‘cardinals’ ku mugaragaro, bajyanye na Papa...
30 November 2020 Yasuwe: 831 0

Reba abayobozi 10 bamunzwe na ruswa mu mateka ya vuba n’akayabo k’amafaranga...

Soma ingingo iyo ari yo yose yerekeye gukumira ruswa, ikintu cya mbere...
30 November 2020 Yasuwe: 2840 0