addresiya
startimes

Cynthia yishwe n’ingona nyuma yo gushaka kuyorora nk’itungo ryo mu rugo

Amakuru   Yanditswe na: Martin Munezero 8 May 2020 Yasuwe: 4751

Muri Leta Zunze Ubumwe za Amerika muri leta ya Caroline y’Epfo, Cynthia Covert, umugore w’imyaka 58, yishwe n’ingona nyuma yo kujya mu cyuzi kugira ngo agerageze kuyifata ngo ayijyane iwe ayorore nk’itungo ryo mu rugo.



Ku wa gatanu w’icyumweru gishize, Cynthia Covert, nyuma yo kunywa divayi hamwe n’inshuti ye, yatangiye gufata ifoto y’ingona yari mu cyuzi kiri hafi ya Charleston, muri Caroline y’Epfo, mbere yo kujya mu cyuzi akurikiye iyo ngona ngo ayifate.

Bivugwa ko inshuti ye yamusabye kutajya muri ayo mazi, avuga ko ingona yariye impongo mu minsi mike ishize, ariko Cynthia amusubiza agira ati: ‘Ntabwo meze nk’impongo’, mbere yo kwiyegereza iyo ngona y’uburebure bwa metero 3, ipima ibiro nigera kuri 45 agerageza kuyikoraho, niko kumusatira itangira kumurya.

Iyi ngona yegereye ukuguru kw’ibumoso kwa Covert itangira kumukurura mu mazi, abari aho b’inshuti ze birukira ku nkombe y’amazi bamufata bakurura bagerageza kumutabara. Umuturanyi nawe yihutiye kuhagera azanye umugozi bifashishije mu kugerageza gukurura Covert neza ku nkombe.

Muri uko kugerageza gutabara, abatangabuhamya bavuga ko Covert atuje cyane yagize ati: “Ndakeka ko ntazongera kubikora.” , ari nako iyo ngona imurenganye yibira munsi y’amazi, ababibonye bavuze ko atigeze asakuza muri uko kuribwa n’iyo ngona.

Polisi, abashinzwe kuzimya umuriro n’abandi baje gutabara bwa mbere bahageze nyuma yigihe gito, ariko bavuga ko nta kimenyetso cy’iyo ngona cyangwa Covert babonye mu minota 10-15 nyuma yo kuhagera. Umubiri wa Covert amaherezo waje kugaragara hejuru yicyuzi ingona ikimufashe ukuguru, yongera kumukurura imujyana munsi y’amazi nk’uko abao baje gutabara babitangaje.

Nk’uko ibiro bya sherif bibitangaza, ngo igihe ingona yongeraga kugarukana umubiri wa Covert hejuru y’amazi, umupolisi yayirashe amasasu menshi na pistolet arayica nuko yemerera abitabiriye bwa mbere kugarura umurambo wa Covert ku nkombe bawuvanye mu mazi.

Umurambo w’iyi ngona wajyanwe n’abapolisi kugira ngo ubafashe mu iperereza kuri iki kibazo, nyuma baza gufata umwanzuro no kwemeza ko ibyabaye kuri Cynthia Covert ku italiki 1 Gicurasi, ko yapfuye azize kurohama, ko yapfuye ku bw’impanuka, kandi ko ibyabaye ari amahano ababaje.

Nyuma polisi ya Charleston aho iyi mpanuka yabereye yaje gutangaza isaba abaturange kwitonda igira iti: “Turasaba abenegihugu kuba maso no kwitondera inyamaswa zo mu gasozi. Ishimire hanze neza kandi ufite inshingano.”

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Mahoro

    Uyu yarizize nta kundi. Ariko abantu babura ubwenge koko! ni gute wakwishyira mu menyo y’inyamaswa y’inkazi??? yari ahaze divayi koko!

    3 weeks ago

Inzindi nkuru

Haravugwa amarozi muri Perezidansi ya Congo[IPEREREZA RIRI GUKORWA]

Iby’impfu zikurikiranye mu bayobozi begereye Perezida wa Repubulika...
4 June 2020 Yasuwe: 1741 0

Umusore w’umunyeshuri ari gushinjwa n’abakobwa 24 bose kubafata ku...

Umukozi w’umutungo utimukanwa (Umukomisiyoneri) uzwi ku izina rya Godknows...
4 June 2020 Yasuwe: 1763 1

Wa mupolisi w’umuzungu wishe umwirabura Floyd barakoranye

Hari urupfu rw’umwirabura witwa George Floyd wishwe n’umupolisi w’umuzungu...
3 June 2020 Yasuwe: 17915 1

Umuhungu yatse mama we urukundo ararumwemerera abicishije kuri...

Umukoresha wa Facebook uzwi cyane ku izina rya Prince Max yavuze uburyo...
3 June 2020 Yasuwe: 2130 0

Umukwe na Nyirabukwe bafashwe amashusho bari gusambana ku munsi...

Muri Afurika y’Epfo ibirori bya nyuma y’bukwe bisanzwe bizwi nka After Party...
3 June 2020 Yasuwe: 10082 0

Rurageretse hagati y’u Bufaransa n’abana ba Kabuga

Rurageretse hagati y’u Bufaransa n’umuryango wa Kabuga Félicien ufatwa na Leta...
2 June 2020 Yasuwe: 12160 1