addresiya
startimes

Didier Drogba yatanze ibitaro bye ngo byifashishwe mu kuvura abarwaye coronavirus

Amakuru   Yanditswe na: Martin Munezero 14 April 2020 Yasuwe: 2637

Didier Drogba wahoze ari umukinnyi ukomeye munikipe ya Chelsea, yatanze ibitaro bye muri Cote d’Ivoire kuba hamwe mu hantu (centre) hakurikiranirwa abarwayi ba coronavirus, byitezweho ko umubare wabo urushaho kwiyongera muri icyo gihugu.



Ibi bitaro biri mu mujyi wa Abija (Abidjan) byafunguwe muri 2016.

Kugeza kuri ubu iyi ndwara y’icyorezo cyiswe covid-19 ikomeje gukwirakwira hirya no hino muri Afurika ndetse hakaba hari n’ubwoba bw’uko abapfa barushaho kwiyongera.

Umuyobozi mu mujyi wa Abija, Bwana Vincent Toh Bi Irie, yashimiye Drogba gikorwa kigaragaza gukunda igihugu yakoze.

Yagize ati: “turashimira Drogba ku mpano yatanzwe, ifatwa nk’igikorwa cyo gukunda igihugu.”

Ubwandu bw’iyi virus ya corona bwa mbere muri Cote d’Ivoire bwagaragaye ku ya 11 Werurwe uyu mwaka, kuva icyo gihe hamaze kugaragara abagera kuri 574 banduye muri bo 5 bakaba bamaze guhitanwa n’iki cyorezo.

Ubuvuzi ku mugabane wa Afurika bukaba bukemangwa yaba mu buryo bw’ibikoresho ndetse n’ibikorwa remezo bidahagije kukuhangana n’icyi cyorezo. Gusa hakaba n’abavuga ko abandura kuri uyu mugabane batazaba benshi nk’ahandi bitewe n’ingama zafashwe.

Mu bihugu byinshi bya Afurika ingamba zikomeye zikaba zarafashwe mu rwego rwo gukumira ikwirakwira rya covid-19, harimo gushyiraho ibihe bidasanzwe hahagarikwa igendo z’imodoka n’indege ndetse no guhagarika ibikorwa byose bihuriza abantu hamwe n;’andi mabwiriza nko gukaraba intoki.

Ibi bitaro byatanzwe na Didier Drogba wamenyekanye yatakira ikipe ya Chelsea, ni bimwe mu bikorwa asanzwe akora birimo ubufasha n’ibikoresho atanga mu nzego z’ubuzima n’uburezi mu baturage ba Afurika muri rusange.

Drogba yakiniye igihugu cye cya Cote d’Ivoire imikino 105, atsinda ibitego 65. Uyu mugabo akaba ari mu bantu Bavuga rikumvikana mu gihugu cy’iwabo ndetse no ku isi muri rusanjye.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Amanda arangiza inshuro zirenga 50 ku munsi iyo ari gutera akabariro,yabaye...

Umukobwa wi’myaka 22 uzwi nka Amanda Grace afite uburwayi budasanzwe,...
31 May 2020 Yasuwe: 8988 1

Abaganga 2 bakundana bakoreye ubukwe mu bitaro kubera Coronavirus

Umusore w’umuganga witwa Annaran Navaratnam ndetse n’umukobwa w’umuganga...
30 May 2020 Yasuwe: 1989 0

Umuhungu wa Uhuru Kenyatta yishe amabwiriza ya Coronavirus ajya kwirebera...

Perezida Uhuru Kenyatta wa Kenya yatangaje ikintu kitari cyiza aherutse...
28 May 2020 Yasuwe: 4810 0

Eddy Kenzo yongeye atakambira Guverinoma ya Uganda

Umuhanzi Eddy Kenzo umaze igihe kinini yaraheze mu gihugu cya Cote d’Ivoire...
28 May 2020 Yasuwe: 1388 0

Umwirabura wishwe urupfu rw’agashinyaguro yateje imyigaragambyo muri...

Habaye imirwano ikomeye hagati y’abapolisi n’abigaragambya mu mujyi wa...
28 May 2020 Yasuwe: 3451 1

Abashoferi b’amakamyo muri Uganda batorotse bamaze kumenya ko banduye...

Uganda Minisiteri y’Ubuzima yatangaje ko abashoferi 7 b’amakamyo batorotse...
27 May 2020 Yasuwe: 1345 0