dnd

Donald Trump yaciwe akayabo k’amamiliyari y’amanyarwanda

Amakuru   Yanditswe na: Martin Munezero 8 November 2019 Yasuwe: 2967

Umucamanza muri New York yategetse ko Perezida Donald Trump yishyura miliyoni ebyiri z’amadorari (asaga miliyari 1,8 Rwf) kubera gufata amafaranga y’ikigo cye cy’ibikorwa byo kugira neza akayakoresha mu kwiyamamaza.



Ikigo Donald J Trump Foundation cyafunze imiryango mu 2018. Abashinjacyaha bavuga ko cyakoraga gusa nk’ikigega cy’inyungu bwite za Bwana Trump.

Umucamanza yavuze ko ibikorwa bitagamije inyungu, nk’iki cya Bwana Trump n’abana be batatu bakuru, kitagombaga kujya muri politiki.

Bwana Trump yasubije uyu mwanzuro w’umucamanza ko "buri faranga ryose" barishyize mu bikorwa byo kugira neza.

Ati: "Ninjye muntu wenyine nzi, yenda ni nawe gusa mu mateka, ushobora guha amafaranga menshi ibikorwa byiza (miliyoni $19), ariko abanyapolitiki babeshya bo muri leta ya New York bakanyibasira".

Yashinje umucamanza mukuru wa leta ya New York, Letitia James watanze iki kirego, guha isura itari yo ibikorwa bya kiriya kigo kubera impamvu za politiki.

Umucamanza Saliann Scarpulla yavuze ko Bwana Trump "yarenze ibigenderwaho" akemera ko amafaranga yakusanyijwe ngo afashe abavuye ku rugerero akoreshwa mu kwiyamamaza kwe mu 2016.

Byatumye ategeka ko "Bwana Trump yishyura $2,000,000 yagombaga kuba yaragiye muri iyo Foundation iyo iza kuba ikiriho".

Uyu mucamanza yategetse ko Bwana Trump ayishyura ubwe kandi akajya mu bindi bigo by’ubugiraneza umunani adafite aho ahuriye nabyo.

Bwana Trump yavuze ko icyo kibazo cyarangiye ndetse yashimishijwe no gutanga miliyoni $2 ku miryango ya Army Emergency Relief, Children’s Aid Society, City Meals-on-Wheels, Give an Hour, Martha’s Table, United Negro College Fund, United Way of Capital Area na US Holocaust Memorial Museum

Madamu Laetitia mbere yari ko Bwana Trump ubwe "yemeye gukoresha nabi amafaranga ya Trump Foundation".

Yari yasabye umucamanza Saliann Scarpulla guhagarika Bwana Trump ngo ntazongere kuvuga ko ari mu bikorwa byo kugira neza. Gusa ibi umucamanza ntabwo yabitegetse.

Abana ba Perezida Trump, Donald Trump Jr, Eric Trump na Ivanka Trump bari abategetsi b’iyo Foundation bategetswe gukora amahugurwa yo gucunga ibigo byo gufasha.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble MBONIMPA

    Miliyoni 2 mu madorari ntabwo ari miliyoni 200 mu manyarwanda mwibeshye. ahubwo ni asaga miliyari 1.8

    2 months ago

Inzindi nkuru

Umwamikazi Elizabeth yatangaje ibihano bikarishye yafatiye Harry na Meghan...

Umwamikazi w’Ubwongereza Elizabeth yandikiye ibaruwa irambuye Harry na...
19 January 2020 Yasuwe: 3864 0

Perezida Museveni yashinjwe na Bobi Wine guhindura abasirikare...

Depite Robert Kyagulanyi wamamaye nka Bobi Wine mu muziki wo muri Uganda,...
18 January 2020 Yasuwe: 2069 0

Umusore w’imyaka 18 yakoze amateka akomeye nyuma y’aho umuryango we utanze...

Umusore w’imyaka 18 witwa Van Beek yaciye ibintu mu binyamakuru no ku mbuga...
18 January 2020 Yasuwe: 3473 0

Ayanna Pressley umudepite wo muri Amerika yaciye ibintu nyuma yo kugaragaza...

Ayanna Pressley umudepite mu nteko ishinga amategeko ya leta zunze ubumwe...
18 January 2020 Yasuwe: 4014 0

Callixte wiyise Sankara ntakiburanishijwe n’urukiko rwa gisirikare

Urukiko Rukuru urugereko rwihariye rushinzwe kuburanisha ibyaha...
17 January 2020 Yasuwe: 2376 1

Kompanyi y’indege yasabye imbabazi nyuma yo gusuzuma umugenzi ko...

Kompanyi y’indege yasabye imbabazi nyuma y’uko itegetse umugenzi gusuzumwa ko...
17 January 2020 Yasuwe: 2343 0