FARDC yahaye igisirikare cy’u Rwanda inyeshyamba 71 zari zigamije guhungabanya umutekano warwo

Amakuru   Yanditswe na: Martin Munezero 23 December 2019 Yasuwe: 3239

Igisirikare cya DR Congo cyatangaje ko ku wa gatandatu ushize cyashyikirije u Rwanda inyeshyamba 71 ziheruka gufatwa mu rugamba rukomeje rwo kurwanya imitwe y’inyeshyamba muri icyo gihugu.



Kapiteni Dieudonné Kasereka uvugira ingabo za Congo ziri muri urwo rugamba, yabwiye BBC ko abo barwanyi ari abo mu mutwe Conseil national pour la renaissance et la démocratie (CNRD).

CNRD ni umutwe wiyomoye kuri Forces démocratiques pour la libération du Rwanda (FDLR) ikorera mu buseruko bwa Republika y’Itwaro Rusangi ya Congo.

Urugamba rwo kurwanya imitwe yitwaje intawaro mu karere ka Kalehe rwatangiye ku wa 26 z’ukwezi kwa 11 mu karere ka Kalehe.



Mu kiganiro yahaye BBC, Kapiteni Kasereka avuga ko abo barwanyi bashyikirijwe igisirikare cy’u Rwanda bari kumwe n’abandi 1471 bagizwe n’imiryango yabo.

Amenyesha ko izo nyeshamba n’imiryango yabo bakiriwe na koloneli Patrick Musho ku ruhande rw’u Rwanda.

Avuga ko intambara zigikomeje mu karere ka Mwenga, aho abo barwanyi ba CNRD bari bageze barimo berekeza mu karere ka Fizi.



Amenyesha ko mu ntambara z’ejo ku cyumweru mu gace ka Kasika zahuje abasirikare ba Congo n’izo nyeshyamba avuga ko zibarirwa mu ijana zanze gushyira intwaro hasi, bashoboye kwica umunyamabanga mukuru wa CNRD, bongera bafata mpiri n’abarwanyi bagera ku icumi.

Ku wa 16 z’uku kwezi, umutwe wa mbere ugizwe n’inyeshyamba 291 hamwe n’abana 11 baratahukanywe nyuma y’aho batsindiwe n’igisirikare cya Congo mu ntara ya Kivu y’Amajyepfo.

Kapiteni Kasereka avuga ko uwo mutwe w’abo batahukanywe ku wa gatandatu "ugizwe n’abaheruka gufatwa no kwishyikiriza, bakaba bari bacungiwe mu inkambi ya gisirikare ya Nyamunyunyi", iri mu birometero 30 uvuye i Bukavu, umurwa mukuru wa Kivu y’Amajyepfo.

Ku wa 08 z’uku kwezi , igisirikare cya Congo cyari cyatangaje ko abantu 1200 b’umutwe CNRD "bagizwe n’abarwanyi hamwe n’imiryango yabo" muri iyo ntara bamanitse amaboko.

Ku butaka bwa Congo, habarurwa imitwe y’inyeshyamba igera kuri 133, imwe igizwe n’abanyekongo iyindi igizwe n’abanyamahanga, muri iyo 35 irwanira muri Kivu y’Amajyepfo, nk’uko bivugwa na Kapiteni Kasereka.

Avuga ko igisirikare cya Congo kitarota gihagarika ibitero ku mitwe y’inyeshyamba irwanira muri ako karere gkugeza yemeye gushyira intwaro hasi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ubwoba bwa Coronavirus bwatumye abaturage muri Amerika biba...

Mu gihe ibihugu hirya no hino ku Isi bihangayikishijwe n’icyoerzo cya...
30 March 2020 Yasuwe: 4403 0

Covid-19:Muri Uganda abaturage Batangiye Kwiba Ibyo Kurya

Kuri uyu wa kane mu masaha ya nyuma ya saa sita, polisi yatangaje ko abantu...
29 March 2020 Yasuwe: 4753 0

Abanyarwanda 342 birukanwe muri Uganda bashinjwa kuba aribo ngo babanduje...

Abanyarwanda bakomeje kwirukanwa muri Uganda, aho kuri ubu 342 bakoreraga...
28 March 2020 Yasuwe: 1959 0

Covid-19:Umupadiri muri Uganda yabaye yicukuriye imva bazamuhambamo

Umupadiri w’Umutaliyani uba mu gihugu cya Uganda kuri Paruwasi Katolike ya...
28 March 2020 Yasuwe: 6066 0

Nyuma y’igihe gito afunguwe yasubiye igitaraganya kuri gereza kwaka ubufasha...

Umugabo wahoze ari umugororwa muri gereza ya Awutu, nyuma y’iminsi micye...
28 March 2020 Yasuwe: 13099 0

Umugore yanduje injangwe ye Coronavirus mu buryo budasobanutse

Kuri uyu wa Gatanu taliki ya 27 Werurwe 2020, ikigo gishinzwe ubuzima...
28 March 2020 Yasuwe: 3534 0