dnd

Hahishuwe igihe umugambi wo kwica Gen. Qassem Soleimani wari indwanyi ikomeye ya Iran watangiriye n’icyawuteye

Amakuru   Yanditswe na: Martin Munezero 16 January 2020 Yasuwe: 5276

Hashize ibyumweru hafi 2 umujenerari ukomeye wa Irani arasiwe i Bagdade agapfana n’abo bari kumwe bose bikozwe n’ingabo za Amerika. N’ubwo bimize gutya ariko urupfu rw’uyu mugabo ngo rwari rwaremejwe mbere y’amezi 7 yose.



Ikinyamamakuru NBCNews gitangaza ko Perezida Donald Trump yemeje ko uyu mugabo agomba kwicwa mu kwezi kwa Gatanu ariko avuga ko azicwa gusa igihe Irani yaba ikomeje gushotora Amerika ariko ubu bushobotoranyi bukaba bwageze ku rwego rwo guhitana ubuzima bw’abanyamerika.

Icyo gihe amabwiriza ya Perezida yavugaga ko ari we wenyine ugomba kwemeza bwa nyuma ko uyu mugabo Soleimani yicwa.

Mu byumweru 2 bishize rero abasirikare bakuru ba Amerika bagaruye urupfu rwa Soleimani nka kimwe mu bisubizo bishobora gukoma mu nkokora Irani yari imaze kugaba ibitero ahantu hatandukanye muri Iraq bigahitana Umunyamerika umwe ndetse abandi bane bagakomereka.

Imodoka Gen. Soleimani yarimo ndetse n’izari zimuherekeje zahinduwe umuyonga

Bimwe mu bindi bisobanuro bitangwa n’ubutegetsi bwa Trump ni uko Soleimani wari usanzwe uyobora indwanyi kabuhariwe za Islamic Revolution yarimo gutegura ibitero simusiga ku banyamerika bityo bakaba baragombaga kumuhagarika hakiri kare.

Uyu mugambi wo kwivugana Gen. Soleimani watangiye ubwo Irani yarasanga indege itagira umupilote ya Amerika mu kwezi kwa Gatanu, icyo gihe John Bolton wari umujyanama wa Perezida Trump yamubwiye ko agomba kwemeza iraswa rya Soleimani ndetse n’umunyamabanga wa Leta Mike Pompeo yari ashyigikiye iki cyemezo. Gusa Donald Trump icyo gihe yanze icyo gitekerezo avuga ko azagishyira mu bikorwa Irani nirenga umurongo utukura yari yarayishyiriyeho ariwo wo kwica abanyamerika.

Trump yagize ati: "Ibi tuzabikora gusa nibaramuka bakoze ku buzima bw’Abanyamerika."

Ibi kandi Perezida Donald Trump yongeye kubisubiramo ijobundi ubwo Irani yarasaga za misile ku birindiro 2 bya Amerika muri Iraq aho benshi bari biteguye ko Amerika iri busubize ibi bitero nyamara Trump akavuga ko ibintu bimeze neza kuko nta munyamerika wabiguyemo cyangwa ngo abikomerekeremo.

Twabibutsa ko urupfu rw’uyu mugabo rwatumye abasivire 176 bose bapfa mu minsi mike yakurikiyeho ago babarasiwe mu ndege ya Ukraine nyuma y’uko Irani iketse ko ari indege ya Amerika ije kubasubiza ku bisasu bari bamaze gutera muri Iraq.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble rukebesha

    Uyu mugabo yababaje Iran cyane,kubera ko yari umusirikare ukomeye cyane.Gusa kwica umuntu kandi nawe uzi ko ejo uzapfa,ni ukutagira ubwenge.Uretse ko nawe yishe abantu benshi cyane.
    Nyamara amaze gupfa,abanya Iran bavuze ko ahowe imana kandi yagiye mu ijuru.Umwicanyi cyangwa undi munyabyaha wese wanga kwihana,ntabwo ashobora kujya mu ijuru.Ahubwo nkuko bible ivuga,igihano nuko aba atazazuka ku munsi wa nyuma.

    5 days ago

Inzindi nkuru

Burundi: Perezida Nkurunziza yagenewe imperekeza y’umurengera n’amazina...

Inteko ishinga amategeko y’u Burundi yageneye Perezida Petero Nkurunziza...
22 January 2020 Yasuwe: 5375 1

Umugore ufite amabere apima ibiro 10 yaciye ibintu[AMAFOTO]

Abagore benshi bakunze kumva ko bashobora gukurura abasore cyangwa abagabo...
22 January 2020 Yasuwe: 3800 0

Muri Burkina Faso abaturage 36 bishwe,abenshi biciwe mu isoko

Guverinoma ya Burkina Faso yatangaje ko abaturage 36 bishwe n’imitwe...
22 January 2020 Yasuwe: 909 0

Ku myaka 17 gusa yegukanye igihembo cy’umuntu ufite umusatsi muremure...

Nilanshi Patel ni Umuhindekazi ufite imya 17 y’amavuko. Ni we wambere ufite...
21 January 2020 Yasuwe: 5626 1

Mu Bushinwa hadutse icyorezo kidasanzwe kiri gukwirakwira vuba

Mu Bushinwa, umuntu wa kane yishwe na virus nshya iri gukwirakwira vuba...
21 January 2020 Yasuwe: 1405 0

lSIS yabonye umuyobozi mushya usimbura al-Baghdadi nawe uhigwa na...

Umutwe w’iterabwoba wiyise leta ya Islam [Islamic state] wamaze gushyiraho...
21 January 2020 Yasuwe: 1335 1