startimes

Hongeye kuvuka imirwano hagati ya Israel na Palestina

Amakuru   Yanditswe na: Martin Munezero 15 November 2019 Yasuwe: 2406

Mu gihe hari hamaze igihe havugwa gushotorana kwa hato na hato hagati ya Israel na Palestina, ubu hongeye kuvuka imirwano hagati y’ibihugu byombi mu gace ko mu Ntara ya Gaza.



Iby’iyi mirwano byatangiye ku wa Kabiri taliki 12 Ugushyingo 2019 ubwo missile zavaga muri Gaza zatangiraga kuraswa muri zimwe mu Ntara za Israel.

Ni nyuma y’uko hari hashize igihe gito Israel yishe umwe mu bayobozi b’ingabo za Hamas Abu al-Ata hamwe n’umugore we. Kuva imirwano yatangira harabarurwa abantu 29 bamaze gupfa harimo abana, abagore n’abageze mu zabukuru.

Abitegereza uko ibintu bihagaze muri iki gihe muri kariya gace k’isi kazahajwe n’intambara guhera mu myaka ya 1940, bavuga ko imirwano iri kuhabera ishobora kumara igihe runaka itarahagarara.

Ku wa Kabiri w’iki Cyumweru Minisitiri w’intebe wa Israel Benyamini Netanyahu n’umugaba mukuru w’ingabo se Lieutenant General Aviv Kochavi bahaye abanyamakuru ikiganiro bavuga ko igihugu cyabo kigiye kugaba ibitero byo kwihimura kuri Gaza.

Nyuma y’ibitero by’ingabo za Israel zirwanira mu kirere ejo ku wa Gatatu umutwe wa kisilamu witwa Palestinian Islamic Jihad wasabye ko habaho ibiganiro by’amahoro ariko Israel ntiragira icyo isubiza kuri ubu busabe.

Ubutegetsi bw’i Yeruzalemu buvuga ko kuva ku wa Kabiri kugeza kuri uyu wa Kane ibisasu byo mu bwoko bwa rocket 360 bimaze kuraswa ku butaka bwa Israel biturutse muri Gaza.

Ngo 90% yabyo yaburijwe n’intwaro za Israel zishinzwe gusenya ibisasu bikiri mu kirere.

Israel yemeza ko kuva imirwano yatangira yishe abarwanyi b’uriya mutwe yita uw’iterabwoba 20.

Intambara yeruye hagati y’impande zombi yaherukaga muri 2015 ubwo Israel yagabaga ibitero muri Gaza mucyo yise ‘Operation Protective Edge’.

Igitera abantu impungenge ni amagambo aherutse kuvugwa na Minisitiri w’intebe wa Israel Netanyahu wavuze ko niba ibisasu biraswa ku gihugu cye bikomeje kuharaswa, ‘ingabo ze zizihorera nta mbabazi.’

Umuvugizi w’abarwanyi bo muri Palestine bamaze iminsi barasa kuri Israel witwa Musab al-Barayem nawe yavuze ko muri iki gihe nta biganiro bakeneye kugirana na Israel nyuma y’uko yishe umwe mu bakuru babo.

Kuva muri 2008 kugeza 2019 Israel n’abarwanyi bo muri Gaza bamaze kurwana intambara eshatu zikomeye.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble sezikeye

    Ibyo ISRAEL ikorera Palestinians ni urugomo rukabije.Ikwiye kugabana nabo buriya butaka,ndetse bakagabana n’umujyi wa Yerusalemu nkuko United Nations Resolution nomero 181 yo mu mwaka wa 1947 ivuga.Ibyo kuvuga ko ari “ubwoko bw’Imana” sibyo.Kera koko,Imana yirukanye abaturage bali batuye kiriya gihugu (Canaanites),igiha Abayahudi ibakuye mu Misiri,ahagana mu mwaka wa 1400 mbere ya Yesu.Ariko kubera ko banze kumvira Imana,ndetse yakohereza Umwana wayo nawe bakamwica mu mwaka wa 33 Anno Domini,byatumye ibakuraho amaboko.Kugeza n’ubu ntibemera ko Yesu ari Umwana w’Imana.Muli Yohana 3,umurongo wa 16,havuga ko umuntu wese utemera Yesu Imana itamwemera kandi atazabona ubuzima bw’iteka.Ikindi kandi,nubwo Israel izi kurwana,Imana irabitubuza,ndetse ikavuga ko abantu bose barwana izabica ku munsi wa nyuma.Bible isobanura Impamvu kera Imana yabemereye kurwana.Nkuko tubisoma muli Gutegeka/Deuteronomy 20 imirongo ya 17 na 18,Imana yagirango “birukane Canaanites”,kubera ko basengaga ibigirwa-mana.Ariko Yesu aje ku isi,yahinduye ibintu.Yasabye abakristu nyakuri kutarwana,ndetse bagakunda n’abanzi babo.Muli make,hari amategeko yarebaga gusa Abayahudi,atareba Abakristu nyakuri.Urugero,Imana yategetse abagabo b’Abayahudi bose gukebwa.Ariko Isezerano Rishya rivuga ko gukebwa atari ngombwa k’umukristu.It is facultative.

    November 2019

Inzindi nkuru

Umugabo yatse gatanya kubera ko umugore we yavuze ko Ronaldo arenze...

Umugabo n’umugore bitwa Arsen na Lyudmila bakundanye mu gikombe cy’Isi 2002...
9 July 2020 Yasuwe: 1030 0

Covid-19: U Rwanda ruri mu bihugu 4 byo muri Afurika bitemerewe kugirira...

Mu gihe icyorezo Covid-19 gikomeje kuvuza ubuhuha ku Isi, Ububiligi...
9 July 2020 Yasuwe: 3500 0

Abarundi bari mu nkambi ya Uvira barenda kwicwa n’inzara

Abarundi bari mu buhingiro muri Congo-Kinshasa mu gace ka Uvira mu nkambi...
8 July 2020 Yasuwe: 1036 0

Igihugu cy’u Burundi n’icya Sudani y’Epfo mu nzira yo kwirukanwa mu muryango...

Ibihugu by’Uburundi na Sudani y’Epfo biri mu nzira yo kwirukanwa mu muryango...
8 July 2020 Yasuwe: 893 0

Umukobwa w’imyaka 14 yahunze mu rugo ajya kubana n’umusore bahuriye kuri...

Umukobwa w’imyaka 14 utatangajwe amazina, yahunze urugo rw’ababyeyi be muri...
8 July 2020 Yasuwe: 1968 0

Perezida wa Congo ’Tshisekedi’ yatunguwe no kubona hazamurwa ibendera ritari...

Ku munsi wo kwizihiza umunsi mukuru w’ ubwigenge abaturage bo mu Ntara ya...
7 July 2020 Yasuwe: 14850 0