Ibigo by’ Abanyamerika bikomeye ku isi nka Microsoft, Apple, Dell, Google na Tesla birashinjwa guhohotera abana bato muri Congo

Amakuru   Yanditswe na: Martin Munezero 6 January 2020 Yasuwe: 1365

Umuryango mpuzamahanga ushinzwe gukora ubuvugizi ku burenganzira bwa muntu irashinja ibigo by’ Abanyamerika bikomeye ku isi nka Microsoft, Apple, Dell, Google na Tesla gukoresha imirimo y’agahato abana batagejeje imyaka y’ubukure muri Repubulika Iharaniara Demokarasi ya Congo hagamijwe inyungu zabyo bwite.



Mu mirimo ikoreshwa aba bana harimo gukoreshwa mu birombe bicukurwamo amabuye y’agaciro yo mu bwoko bwa Cobalt muri Repubulika Iharanira Demokarasi ya Congo, igihugu kiri mu bikize kuri ubu bwoko bw’amabuye ku isi ariko ibirombe byacyo bikaba byarigaruriwe n’amakompanyi akomeye yo muri Amerika.

Iri tsinda rikora ibikorwa byo kurengera no gukora ubuvugizi ku burenganzira bwa muntu (International Advocacy Group) ryashyize hanze imibare y’abana benshi ibi bigo bikoresha imirimo ivunanye mu birombe by’amabuye y’agaciro ajya gutunganywa mu nganda zabyo zikora ibikoresho by’ikoranabuhanga nka mudasobwa, telefoni n’ibindi nk’uko inkuru icukumbuye ya CNN ibivuga.

Ibigo by’inganda za Apple, Microsoft, Dell na Tesla ni ibigo bikomeye by’Abanyamerika bikomeje gushyirwa mu majwi ku guhonyora uburenganzira bwa muntu bigamije inyungu zabyo bwite.



Ni mugihe muri 2018 muri raporo icukumbuye ya CNN hagaragaye ko hari bamwe mu bana bagiye bapfira mu mpanuka z’ iyi mirimo yo mu birombe bya Cobalt, mu gihe babaga barataye ishuri.

Umwe muri aba bana wagiriye impanuka muri iyi mirimo ivunanye waganiriye na CNN yavuze ko yaguye mu kirombe ubwo yarimo agikoramo ubu akaba yararemaye urutugu kuberako abamukoreshaga batigeze bamuvuza na rimwe.

Ibi bigo byombi bihakana ibyo bishinjwa n’uyu muryango ndetse na bamwe muri aba bana mu gihe Microsoft yo yanze kugira icyo ivuga ku byo iregwa.



Uyu muryango ukaba utabariza aba bana ndetse ukavuga ko ibi bigo bigomba guha impozamarira kuri aba bana bahohotewe bagakoreshwa imirimo ivunanye bataruzuza imyaka y’ubukure bamwe bikaba byarabasigiye ubumuga n’ibindi bibazo bitandukanye.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Covid-19:Umupadiri muri Uganda yabaye yicukuriye imva bazamuhambamo

Umupadiri w’Umutaliyani uba mu gihugu cya Uganda kuri Paruwasi Katolike ya...
28 March 2020 Yasuwe: 4788 0

Nyuma y’igihe gito afunguwe yasubiye igitaraganya kuri gereza kwaka ubufasha...

Umugabo wahoze ari umugororwa muri gereza ya Awutu, nyuma y’iminsi micye...
28 March 2020 Yasuwe: 6643 0

Umugore yanduje injangwe ye Coronavirus mu buryo budasobanutse

Kuri uyu wa Gatanu taliki ya 27 Werurwe 2020, ikigo gishinzwe ubuzima...
28 March 2020 Yasuwe: 2884 0

Muri Uganda abaturage bari gukubitwa iz’akabwana kubera kwica amabwiriza yo...

Mu gihugu cy’abaturanyi cya Uganda, Polisi yaho iri gukubita umuturage uwari...
27 March 2020 Yasuwe: 7338 0

Perezida wa Namibia yashyizeho Minisitiri mushya waciye agahigo ko kuba...

Perezida wa Namibia, Hage Geingob yashyizeho Minisitiri muri minisiteri...
27 March 2020 Yasuwe: 7293 0

Trump yashinje itangazamakuru gukwirakwiza ibinyoma ku cyorezo cya...

Perezida wa Leta Zunze Ubumwe za Amerika Donald Trump yatangaje ko...
27 March 2020 Yasuwe: 1844 0