startimes

Ibihugu 3 by’Afurika byatangaje umuntu wa mbere wanduye icyorezo cya Caronavirus

Amakuru   Yanditswe na: Martin Munezero 3 March 2020 Yasuwe: 2231

Igihugu cya Senegel, cyaraye gitangaje umuntu wa mbere wanduye coronavirus nkuko byemejwe na Abdoulaye Diouf Sarr, Minisitiri w’ubuzima w’iki gihugu,Tunisia na Maroc nabyo byatangaje umuntu wa mbere wanduye iyo virusi.



Uwo murwayi ni Umufaransa w’umugabo uba muri Sénégal, wasubiye muri Sénégal avuye mu Bufaransa ku itariki ya 26 y’ukwezi gushize kwa kabiri, nk’uko Sarr yabivugiye mu kiganiro n’abanyamakuru mu murwa mukuru Dakar.

Uwo murwayi yageze ku bitaro byigenga ku itariki ya 27 y’ukwezi kwa kabiri agaragaza ibimenyetso bya coronavirus birimo kurwara umutwe.

Ubuyobozi muri Sénégal buri kugenzura buri muntu wese waje mu ndege imwe n’uwo mugabo ndetse n’abo mu muryango we.

Minisitiri w’ubuzima yavuze ko iki gihugu cyiteguye guhangana n’iyi virusi, avuga ko gifite n’ibikoresho bya ngombwa byo kuyipima.

Uyu abaye umuntu wa kabiri wo muri Afurika yo munsi y’ubutayu bwa Sahara wemejwe ko yanduye ubu bwoko bushya bwa coronavirus, nyuma y’uwatangajwe muri Nigeria mu cyumweru gishize.

Igihugu cya Tunisia nacyo cyatangaje umuntu wa mbere wanduye coronavirus, nkuko minisitiri w’ubuzima w’icyo gihugu yabibwiye abanyamakuru ku munsi w’ejo ku wa mbere.

Minisitiri w’ubuzima Abdelatif el-Maki yavuze ko uwo murwayi ari umugabo wo muri Tunisia w’imyaka 40, wageze mu gihugu n’ubwato avuye mu Butaliyani ku itariki ya 27 y’ukwa kabiri.

We n’abandi bagenzi bari bagiriwe inama yo kugenzurana. Ubwo umuriro we wazamukaga cyane, yabimenyesheje inzego z’ubutabazi byihuse.

Ejo ku wa mbere nimugoroba kandi, minisiteri y’ubuzima muri Maroc yatangaje umuntu wa mbere urwaye coronavirus muri icyo gihugu.

Ni Umugabo wo muri Maroc uba mu Butaliyani, uri kuvurirwa ku bitaro byo mu mujyi wa Casablanca muri Maroc, nkuko bitangazwa n’ibiro ntaramakuru Reuters.

Amagambo yo mu itangazo rya minisiteri y’ubuzima ya Maroc yasubiwemo avuga ko uwo murwayi atarembye.

Byemejwe ko yayanduye nyuma yaho ibizamini bye byari byoherejwe gupimirwa mu kigo Institut Pasteur-Maroc bije byerekana ko koko yayanduye, nkuko bitangazwa n’ibiro ntaramakuru Maghreb Agency Press bya leta ya Maroc.

Muri Afurika – byiyongera kuri Sénégal, Maroc na Tunisia – Algeria, Misiri na Nigeria nabyo byemeje umuntu wa mbere wanduye coronavirus.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umugabo yarokotse urupfu nyuma yo gufatwa ari gusambana n’umugore...

Muri Kenya, umugabo uri mu kigero cy’imyaka 40, akaba ari umukozi wa West...
11 July 2020 Yasuwe: 3804 0

Umugore yahuye n’ibizazane ubwo umugbo we yamwitiranyaga n’inzoka

Mu gihugu cy’Ubwongereza, umugabo utaratangarijwe amazina yavunnye ikirenge...
10 July 2020 Yasuwe: 4140 1

Reba inkuru yakoze ku mutima abantu benshi y’umugabo n’umugore b’abasazi...

Umugabo witwa Olaide Olakiitan Oluwayemisi yatangaje uburyo yakozwe ku...
10 July 2020 Yasuwe: 12612 2

Umugore waguwe gitumo n’umugabo we arimo asambana na Pasiteri yatinyutse...

Jane Omwaga, umugore wo muri Kenya waguwe gitumo n’umugabo we ubwo yari...
10 July 2020 Yasuwe: 17940 1

Abarinda Perezida Kenyatta basabwe kurekera gukoresha ibiyobyabwenge

Umuyobozi mukuru w’itsinda rishinzwe kurinda umutekano wa Perezida Uhuru...
9 July 2020 Yasuwe: 2879 0

Umugabo yatse gatanya kubera ko umugore we yavuze ko Ronaldo arenze...

Umugabo n’umugore bitwa Arsen na Lyudmila bakundanye mu gikombe cy’Isi 2002...
9 July 2020 Yasuwe: 1755 0