skol
fortebet

Icyorezo cya Coronavirus muri Uganda ’Abantu 100 bashyizwe mu kato’

Yanditswe: Thursday 06, Feb 2020

Sponsored Ad

skol

Minisiteri y’ubuzima ya Uganda yatangaje ko abantu barenga 100 bageze ku kibuga cy’indege mpuzamahanga cya Entebbe bavuye mu Bushinwa bashyizwe mu kato mu gihe cy’iminsi 14.

Sponsored Ad

Ibi bigamije kwirinda ikwirakwira rya virus yo mu bwoko bwa Corona nk’uko iyi minisiteri ibitangaza.

Kugeza ubu iyi virus nta muntu urayibonwaho ku mugabane wa Afurika uretse abayikekwaho baba bavuye mu Bushinwa.

Minisitiri w’ubuzima wa Uganda Dr Jane Aceng yabwiye abanyamakuru ejo kuwa gatatu ko 44 muri aba bantu bashyizwe mu kato ari Abashinwa nkuko BBC yabitangaje.

Yavuze ko minisiteri y’ubuzima kugeza ubu nta makuru ifite ko haba hari umuturage wa Uganda wanduye cyangwa ukekwaho iyi virus.

Iyi virus yo mu bwoko bw’izitwa corona ibimenyetso byayo bishobora kugaragara mu gihe cy’iminsi 14 umuntu ayanduye.

Imibare yatangajwe ejo kuwa gatatu nimugoroba na komisiyo y’Ubushinwa ishinzwe ubuzima ni uko abamaze kwandura iyi virus mu Bushinwa bamaze kuba 28,018 naho 563 yarabishe.

Imibare yatanzwe n’iyi komisiyo mu gitondo cyo kuri uyu wa kane ni uko ubwandu bushya 3,694 n’abo yishe 73 bamenyekanye ejo kuwa gatatu.

Iyi virus imaze no kugera hanze y’ubushinwa

Leta ya Uganda ivuga ko yongereye ibikorwa byo gusuzuma abantu ku kibuga cy’indege, kandi bikaba itegeko ku bavuye mu Bushinwa gutanga amakuru y’uko bagiye bisuzumisha.

Leta ya Uganda ivuga ko hari abanyeshuri amagana b’abanya-Uganda biga mu burasirazuba bw’Ubushinwa ariko kugeza ubu ko nta mugambi uhari wo kubacyura.

Ibihugu byinshi ku isi bikomeje guhangayikishwa n’iyi virus no gufata ingamba ngo itinjira iwabo cyangwa idakwirakwira aho imaze kugera.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa