skol
startimes

Igihugu cya Uganda gikomeje kwibikaho ibimodoka by’intambara[AMAFOTO]

Amakuru   Yanditswe na: Martin Munezero 23 November 2020 Yasuwe: 7461

Igihugu cya Uganda cyatumije ibimodoka by’intambara kikaba kigiye kwibikaho imitamenwa yo mu bwoko bubiri aribwo Otokar Cobra II 4×4 na Otokar Arma 8×8 zikorwa n’uruganda Otokar rwo muri Turkiya.


Mu kwezi gushize nibwo iki kigo gikora ibikoresho by’ubwirinzi, Turkish Otokar, rwatangaje ko rwasinye amasezerano yo kugurisha ibimodoka by’imitamenwa 100 rukora byo mu bwoko bwa Arma 8×8 na Cobra II kuri kimwe mu bihugu byo muri Afurika ariko ntirwatangaza icyo gihugu icyo ari cyo.

Ngo ni ubwa mbere uru ruganda ruzaba rugiye kugurisha Otokar Arma 8×8 ku gihugu cyo muri Afurika, aho biteganyijwe ko izi modoka zizatangira koherezwa mu ntangiriro z’umwaka utaha wa 2021, iki gikorwa kikazarangira mu mpera za 2022.

Otokar Cobra II 4×4

Umuyobozi mukuru wa Otokar, Serdar Görgüç, yavuze ko ibi bimodoka by’imitamenwa byabo byo mu bwoko bwa Arma 8×8 bizaba bigeze muri Afurika bwa mbere kandi bibateye ishema kuko icyo gihugu zigiye kujyamo gisanzwe ari umukiriya.

Urubuga Africanmilitaryblog rero ruratangaza ko Uganda ari we mukiriya nyafurika utaravuzwe ugiye kugura ibi bimodoka by’intambara by’imitamenwa bya Otokar Arma 8 × 8 na Cobra II 4 × 4.

Serdar Görgüç yavuze kandi ko nubwo hari ingaruka mbi z’icyorezo cya COVID-19, Otokar ikomeje kongera ibicuruzwa byoherezwa mu mahanga by’imodoka z’imitamenwa, bikorerwa muri Turkiya ivuga ko bihagaze neza ku rwego rwo hejuru rwo kurinda no kugenda neza.

Yavuze ko imodoka za Otokar, zikunzwe mu ruhando mpuzamahanga, zikagaragaza ku isi hose ubushobozi bw’inganda z’ibikoresho by’ubwirinzi z’igihugu ndetse nubw’abashakashatsi ba Turkiya n’imbaraga z’abakozi.

Otokar Arma 8×8

Ku bijyanye n’ibi bimodoka byo mu bwoko bwa Cobra, ngo ibihugu byinshi byo muri Afurika byamaze kubyikaho birimo nk’u Rwanda, Burkina Faso, Gana, Algeria, Mauritania, Nigeria, Tunisia na Tchad.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abakoresha WhatsApp batangiye kuyitera umugongo

Urubuga rwa WhatsApp mu nzira yo gutakaza umubare munini w’abayikoresha dore...
13 January 2021 Yasuwe: 6002 0

Guverinoma ya Uganda yafatiwe icyemezo gikakaye

Guverinoma ya Uganda yakomwe mu nkokora n’urubuga nkoranyambaga rwa Facebook...
13 January 2021 Yasuwe: 5964 0

Umugambi wo kwigaragambya muri Uganda hose wamenyekanye

Abdul Kabenge, umwe mu bahuzabikorwa bo muri National Unity Platform (NUP)...
13 January 2021 Yasuwe: 5585 0

Jeff Bezos mu minsi 4 gusa yisubije umwanya we wa mbere w’umuntu ukize ku...

Umuherwe Jeff Bezos warusanzwe ari umukire agakurwaho na Elon Musk nyuma...
13 January 2021 Yasuwe: 3432 0

Bwa mbere Schwarzenegger wamamaye nka Komando yanenze Trump bahuje...

Icyamamare mu bya sinema akaba abarizwa no muri politike Arnold...
12 January 2021 Yasuwe: 4447 0

Michelle Obama yishe rimwe mu mahame adasanzwe buri muntu, kugera no ku...

Guhura n’umwamikazi w’u Bwongereza ndetse n’abagize umuryango w’ibwami bifatwa...
11 January 2021 Yasuwe: 9620 0