Imitungo y’umukobwa w’uwahoze ari Perezida wa Angola yafatiriwe

Amakuru   Yanditswe na: Martin Munezero 2 January 2020 Yasuwe: 1848

Konti za banki ndetse n’ibikorwa by’umukobwa n’umukwe b’uwahoze ari Perezida wa Angola, Jose Eduardo Dos Santos byafatiriwe by’agateganyo n’Urukiko rw’Intara ya Luanda.



Umukobwa wa Perezida Dos Santos, Isabel Dos Santos, n’umugabo we, Sindika Dokolo bafite imigabane muri banki nyinshi n’ibigo by’imari. Barashinjwa kuba baraguze imigabane bakoresheje amafaranga y’Ikigo cy’igihugu cy’ubucukuzi bwa peteroli cyitwa SONANGOL.

Uyu mukobwa w’imfura wa Dos Santos wahoze ari Perezida wa Angola, kugeza ubu ni we mugore wa mbere ukize kurusha abandi muri Afurika, akaba yari Umuyobozi wa SONANGOL kugeza mu Ugushyingo 2017.

Impirimbanyi mu kurwanya ruswa, Rafael Marques atanga urugero rw’ukuntu imigabane y’ikigo cy’itumanaho cya UNITEL yaguzwe mu buryo bw’amanyanga, cyangwa iyo mu kigo gicuruza peteroli cyo muri Poltugal, GALP.



Itangazo ryashyizwe ahagaragara n’Umushinjacyaha mukuru wa leta, rivuga ko Leta ya Angola yahahombeye asaga miliyari y’amadolari. Impamvu ngo akaba inguzanyo yatanzwe itaragarujwe.

Undi munyemari witwa Mario Felipe Moreira Leite da Silva, ukorana bya hafi n’uyu muryango wa Dos santos nawe imitungo ye yabaye ifatiriwe n’ubutabera nk’uko iyi nkuru dukesha Rfi ikomeza ivuga.

Perezida mushya wa Angola, Joao Lourenco, watowe mu 2017, yasezeranyije kurwanya ruswa yivuye inyuma mu butegetsi bwe.



Isabel Dos Santos ntabwo ari we mwana wenyine wa perezida yasimbuye ukurikiranwe n’ubutabera.

Musaza we, Jose Filimino Dos Santos, wahoze akuriye ikigega cy’igihugu cy’ishoramari, na we arimo aritaba Urukiko rw’Ikirenga rwa Luanda kuva kuwa 09 Ukuboza 2019, aho akurikiranweho kunyereza umutungo n’ibikorwa by’iyezandonke.

Perezida Jose Eduardo Dos Santos ni umwe mu bakuru b’ibihugu bayoboye igihe kirekire muri Afurika, aho, yageze ku butegetsi mu 1979 akabuvaho mu 2017 abumazeho imyaka hafi 38.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble mazimpaka

    Henshi ku isi,cyanecyane muli Africa,usanga Presidential Family ikize cyane kubera Corruption.Urugero rwiza ni muli Equatorial Guinea.Biterwa nuko nta muntu wabavuga.Bariba bagakira cyane. Ariko tujye twibuka ko UBUKIRE butatubuza kurwara,gusaza no gupfa.Niyo mpamvu niba dushaka Ubuzima bw’iteka muli Paradis,Yesu yadusabye "gushaka mbere na mbere ubwami bw’imana" nkuko Matayo 6,umurongo wa 33 havuga,aho kwibera mu byisi gusa.Abantu iyo nama Yesu yasize aduhaye,azabazura ku Munsi w’Imperuka,abahe ubuzima bw’iteka nkuko yabyivugiye muli Yohna 6,umurongo wa 40.Ntimukishinge bariya bavuga ngo iyo dupfuye tuba twitabye imana.Ntabwo bihuye n’ibyo Bible yigisha.Ikizere cyonyine cy’umuntu upfuye cyo kuzongera kubaho,nta kindi uretse umuzuko wo ku munsi w’imperuka ubikiwe abapfuye bumvira imana kandi batibera mu byisi gusa.

    3 months ago

Inzindi nkuru

Muri Iran abantu barenga 1300 bigabije ikiyobyabwenge bakinywa ku bwinshi...

Muri Iran, abantu barenga 1300 bigabije ikiyobyabwenge cya Methanol...
1 April 2020 Yasuwe: 3141 0

Covid-19:Muri Nigeria abadepite bemeye kudahembwa

Abadepite bo muri Nigeria bemeye gukatwa imishahara yabo y’amezi abiri...
1 April 2020 Yasuwe: 743 0

Abantu babarirwa hagati ya 100, 000 na 200, 000 bashobora guhitanwa na...

Perezida wa Leta zunze ubumwe za Amerika, Donald Trump yatangaje ko abantu...
31 March 2020 Yasuwe: 2498 0

Ubwoba bwa Coronavirus bwatumye abaturage muri Amerika biba...

Mu gihe ibihugu hirya no hino ku Isi bihangayikishijwe n’icyoerzo cya...
30 March 2020 Yasuwe: 5315 1

Covid-19:Muri Uganda abaturage Batangiye Kwiba Ibyo Kurya

Kuri uyu wa kane mu masaha ya nyuma ya saa sita, polisi yatangaje ko abantu...
29 March 2020 Yasuwe: 5049 0

Abanyarwanda 342 birukanwe muri Uganda bashinjwa kuba aribo ngo babanduje...

Abanyarwanda bakomeje kwirukanwa muri Uganda, aho kuri ubu 342 bakoreraga...
28 March 2020 Yasuwe: 2053 0