Ingabo za Congo zafashe ibirindiro bikuru by’umutwe w’inyeshyamba za ADF

Amakuru   Yanditswe na: Martin Munezero 10 January 2020 Yasuwe: 2729

Umuvugizi mu ngabo za leta ya Congo avuga ko ingabo z’iki gihugu ejo kuwa kane zafashe ibirindiro bikuru by’umutwe w’inyeshyamba za ADF biri ahitwa Medina mu majyaruguru ya Beni.



Allied Democratic Forces (ADF) ni inyeshyamba zirwanya ubutegetsi bwa Uganda kuva mu 1996, zikorera muri Kivu ya ruguru muri DR Congo.

Kuva mu kwezi kwa 10 gushize ubwo ingabo za DR Congo zatangizaga ibitero byo kurandura uyu mutwe, abarwanyi bawo bihimuye ku baturage bica abarenga 100 muri aka gace.

Lieutenant Mac Azukay umwe mu bavugizi b’ingabo za DR Congo yabwiye BBC Gahuzamiryango ko nyuma y’imirwano y’ejo kuwa kane ingabo zafashe Medina yari ibirindiro bikuru by’umutwe wa ADF.

Azukay avuga ko iki ari igikorwa cyagezweho nyuma y’imirwano y’iminsi icumi yarangiye ingabo za leta zitsinze.

Uyu mutwe umaze imyake irenga 20 muri aka gace ka Beni, ahari kandi ingabo za leta n’iz’umuryango w’abibumbye ziri mu butumwa bwitwa MONUSCO.

ADF yavuzwe kenshi mu bikorwa byo kwica, gusahura, gufata abagore n’abakobwa ku ngufu n’ibindi bihugungabanya amahoro ya rubanda, ibikorwa bibi byarushijeho kuva ingabo zitangiye ibi bitero.

Nyuma y’amezi abiri ingabo za leta ziri mu bikorwa yo kurwanya uyu mutwe, ku mbuga nkoranyambaga bamwe bibaza aho urugamba rwo gutsinda ADF rugeze.

Azukay avuga ko "badateganya gukerensa ubushobozi bw’umwanzi, ariko ko imirwano yo gufata Medina hari icyo isobanuye".

Ati: "Umuterabwoba umwe ukiriho aba ateje akaga, bivuze ko gufata Medina bidasobuye ko intambara irangiye, tuzakomeza kubakurikirana aho bari hose".

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Reba ibikubiye mu mpamba Perezida Nkurunziza yihaye kugira ngo ave ku...

Twese turibuka imbaraga Nelson Mandela ndetse n’abakuru b’ibihugu bo mu...
25 January 2020 Yasuwe: 1227 0

Amafaranga y’u Rwanda 1050 uyafite ubu wagura inzu mu Butaliyani[AMAFOTO]

Ubuyobizi bw’umujyi wa Bisaccia uri mu majyepfo y’ubutaliyani bwashyize ku...
24 January 2020 Yasuwe: 5405 0

Ghana: Pasiteri yazanye Kokombure mu rusengero ayitamika abagore ngo...

Ni inkuru idasanzwe iri gucicikana ku mbuga nkoranyambaga zidandukanye...
24 January 2020 Yasuwe: 4905 1

U Rwanda rwongeye kuza imbere mu karere ka EAC mu kurwanya ruswa

Raporo nshya kuri ruswa yitwa ’Corruption Perceptions Index’ isohorwa...
23 January 2020 Yasuwe: 1360 0

Hahishuwe inzoka yateje cya Cyorezo kidasanzwe cyo mu Bushinwa...

Birakekwa ko Chinese Krait na Chinese Cobra, ari zo nzoka zateje icyorezo...
23 January 2020 Yasuwe: 10208 0

Minisante yaburiye Abaturarwanda bose cyane cyane abajya mu mahanga ku...

Minisiteri y’Ubuzima (MINISANTE) yaburiye Abaturarwanda bose cyane cyane...
23 January 2020 Yasuwe: 742 0